ᱟᱹᱭᱟᱹᱛ ᱥᱟᱬᱮᱥ (Syntax)
ᱟᱹᱭᱟᱹᱛ ᱢᱮᱱ ᱞᱮᱠᱷᱟᱱ ᱢᱟ `ᱢᱚᱱ ᱨᱮᱭᱟᱜ ᱵᱷᱟᱵᱽ ᱥᱚᱫᱚᱨᱜᱟᱱ ᱟᱹᱲᱟᱹ ᱟᱨᱵᱟᱝ ᱟᱹᱲᱟᱹ ᱠᱚᱨᱮᱭᱟᱜ ᱥᱟᱡᱟᱣʼ ᱾ ᱛᱚᱵᱮ, ᱟᱹᱭᱟᱹᱛ ᱥᱟᱬᱮᱥ ᱨᱮᱫᱚ ᱟᱹᱭᱟᱹᱛ ᱵᱮᱱᱟᱣᱜ ᱨᱮᱭᱟᱜ ᱦᱚᱨᱟ ᱥᱟᱶᱛᱮ ᱚᱱᱟ ᱨᱮᱭᱟᱜ ᱱᱟᱜᱟᱢ ᱟᱨ ᱛᱩᱞᱟᱹ ᱡᱚᱠᱷᱟ ᱯᱚᱲᱦᱚᱱᱚᱜᱼᱟ ᱾ ᱨᱚᱲ ᱨᱮᱱᱟᱜ ᱱᱚᱣᱟ ᱫᱚ ᱵᱩᱴᱟᱹ ᱠᱟᱱᱟ ᱪᱮᱫᱟᱜ ᱪᱤ ᱦᱚᱲᱟᱜ ᱩᱭᱦᱟᱹᱨ ᱵᱷᱟᱵᱽᱱᱟ ᱟᱨ ᱟᱨᱫᱟᱥ ᱱᱚᱶᱟ ᱦᱚᱛᱮ ᱛᱮᱜᱮ ᱮᱢ ᱜᱟᱱᱚᱜᱼᱟ ᱾ ᱛᱚᱵᱮ, ᱟᱹᱭᱟᱹᱛ ᱫᱚ ᱟᱹᱲᱟᱹ ᱠᱚᱨᱮᱭᱟᱜ ᱥᱟᱡᱟᱣ ᱨᱩᱯ ᱨᱮᱦᱚᱸ ᱟᱹᱲᱟᱹ ᱫᱚ ᱟᱹᱭᱟᱹᱛ ᱨᱮᱭᱟᱜ ᱠᱮᱪᱟᱜ – ᱚᱱᱟ ᱤᱫᱤ ᱠᱟᱛᱮ ᱠᱟᱛᱷᱟ ᱨᱟᱯᱟᱪᱟᱜ ᱢᱮᱱᱟᱜᱼᱟ ᱾ ᱜᱟᱹᱦᱤᱨ ᱛᱮ ᱧᱮᱞ ᱞᱮᱠᱷᱟᱱ ᱟᱹᱭᱟᱹᱛ ᱫᱚ ᱟᱹᱲᱟᱹ ᱨᱮᱭᱟᱜ ᱥᱟᱡᱟᱣᱱᱟ ᱫᱚ ᱵᱟᱝ ᱠᱟᱱᱟ ᱾ ᱢᱤᱢᱤᱫ ᱡᱮᱠᱷᱟ ᱢᱤᱢᱤᱫᱴᱟᱹᱝ ᱟᱹᱲᱟᱹ ᱛᱮ ᱢᱚᱱ ᱨᱮᱭᱟᱜ ᱵᱷᱟᱵᱽ ᱥᱚᱫᱚᱨ ᱜᱟᱱᱚᱜᱼᱟ ᱾ ᱚᱱᱰᱮ ᱫᱚ ᱟᱹᱭᱟᱹᱛ ᱵᱟᱭ ᱛᱟᱦᱮᱸᱱᱟ ᱾ ᱛᱟᱦᱮᱸ ᱠᱚᱜᱼᱟ ᱟᱹᱲᱟᱹ ᱜᱮ ᱾
ᱢᱤᱫᱴᱟᱹᱝ ᱨᱚᱨᱚᱲ ᱪᱮᱫᱚᱜ ᱠᱟᱱ ᱜᱤᱫᱟᱹᱨ ᱨᱮᱸᱜᱮᱡ ᱞᱮᱠᱷᱟᱱ ᱫᱩᱫᱩ ᱵᱟᱝᱠᱷᱟᱱ ᱠᱟᱜ ᱮ ᱢᱮᱱᱟ ᱾ ᱤᱱᱟᱹᱜ ᱛᱮ ᱮᱸᱜᱟᱛ ᱛᱮᱫ ᱟᱡᱟᱜ ᱢᱚᱱ ᱨᱮᱭᱟᱜ ᱵᱷᱟᱵᱽ ᱮ ᱵᱩᱡᱷᱟᱹᱣ ᱛᱮ ᱡᱚᱢ ᱮ ᱮᱢᱟᱦᱟᱭᱟ ᱾ ᱡᱟᱦᱟᱸᱱᱟᱜ ᱜᱟᱯᱟᱞ ᱢᱟᱨᱟᱣ ᱡᱚᱦᱚᱜ ᱦᱚᱸ ᱟᱹᱲᱟᱹ ᱦᱟᱱᱟᱜ ᱟᱹᱭᱟᱹᱛ ᱧᱮᱞᱚᱜᱚᱜᱼᱟ – ᱵᱟᱵᱟ –ᱪᱮᱞᱮ ᱵᱤᱴᱤ ᱛᱤᱱ ᱨᱮᱢ ᱦᱮᱡ ᱮᱱᱟ ? ᱦᱚᱯᱚᱱᱮᱨᱟᱛ – ᱱᱤᱛᱜᱮ ᱾ ᱵᱟᱵᱟ – ᱮᱥᱠᱟᱨᱜᱮ ?
