2
ᱚᱲ ᱫᱟᱲᱮᱭᱟᱜ ᱟ ᱪᱮ ᱨᱚᱲ ᱫᱟᱲᱮᱭᱟᱜ ᱟ, ᱩᱱᱤᱫᱚ ᱪᱮᱫᱦᱚᱸ ᱵᱟᱭ ᱥᱚᱫᱚᱨ ᱫᱟᱲᱮᱭᱟᱜ ᱟ ᱾ ᱚᱱᱟ ᱞᱮᱠᱟᱛᱮ ‘ᱚᱲ’ ᱫᱚ ᱢᱚᱱ ᱵᱷᱤᱛᱨᱤᱨᱮ ᱢᱮᱱᱟᱜ ᱩᱲᱩᱜ ᱟᱨ ᱟᱹᱭᱟᱹ ᱨᱮᱭᱟᱜ ᱢᱤᱫ ᱥᱚᱫᱚᱨ ᱠᱟᱱᱟ᱾ ‘ᱚᱲ’ ᱟᱨᱵᱟᱝ ᱚᱲᱚᱝ’ ᱴᱟᱝ ᱥᱟᱰᱮ ᱚᱪᱚ ᱠᱟᱛᱮ ᱯᱷᱚᱴᱮᱞ ᱡᱚᱝᱜᱮ ‘ᱟᱲᱟᱝ’ ᱟᱨ ᱚᱱᱟ ᱟᱲᱟᱝ ᱨᱟᱲᱟᱝ ᱚᱪᱚᱭᱜᱮ ᱨᱚᱲᱫᱚ᱾ ᱜᱩᱨᱩ ᱜᱚᱢᱜᱮ ᱯᱚᱱᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ‘ᱨᱚᱱᱚᱲ’ ᱯᱚᱛᱚᱵᱨᱮ ᱚᱱᱟᱫᱚ ‘ᱱᱚᱲ’ ᱢᱮᱱᱛᱮᱭᱮ ᱢᱮᱱ ᱟᱠᱟᱫᱟ ᱾ ‘ᱱᱚᱲ’ ᱫᱚ ᱨᱚᱲ ᱜᱟᱱ ᱚᱪᱚᱭ ᱨᱮᱭᱟᱜ ᱢᱤᱫ ᱫᱷᱟᱲ ᱥᱩᱛᱩᱨ ᱠᱟᱱᱟ᱾ ᱢᱮᱱᱮᱛ ᱥᱮᱫᱛᱮ ᱧᱮᱞ ᱞᱮᱠᱷᱟᱱ ‘ᱱᱚᱲ’ ᱟᱨ ‘ᱚᱲ’ ᱫᱚ ᱢᱤᱫ ᱠᱟᱛᱷᱟ ᱜᱮ᱾ ᱟᱵᱚᱣᱟᱜ ᱥᱮᱨᱮᱧ ᱼ ᱨᱚᱲ ᱠᱚᱨᱮ ‘ᱱ’ ᱨᱮᱭᱟᱜ ᱵᱮᱵᱷᱟᱨ ᱫᱚ ᱰᱷᱮᱨ ᱜᱮᱭᱟ᱾ ᱡᱮᱞᱮᱠᱟ ‘ᱟᱭᱚ’ ᱫᱚ ‘ᱱᱟᱭᱚ’, ‘ᱚᱞ’ ᱫᱚ ‘ᱱᱚᱞ’, ‘ᱚᱨᱚᱝ’ ᱫᱚ ‘ᱱᱚᱨᱚᱝ’, ‘ᱟᱹᱡᱤᱧ’ ᱫᱚ ‘ᱱᱟᱡᱤᱧ’ ᱮᱢᱟᱱ, ᱱᱚᱝᱠᱟ ᱟᱹᱰᱤᱜᱟᱱ ᱟᱹᱲᱟᱹ ᱾
ᱥᱚᱸᱥᱠᱨᱩᱛ ᱛᱮ ᱨᱚᱲ ᱫᱚᱠᱚ ᱢᱮᱛᱟᱜ ᱠᱟᱱᱟ ‘ᱵᱷᱟᱥᱟ’ ᱾ ‘ᱵᱷᱟᱥ’ ᱫᱷᱟᱛᱩ ᱠᱚᱨᱢᱚ ᱵᱟᱪᱭᱚᱨᱮ ‘ᱟ’ ᱯᱨᱚᱛᱭᱚᱭᱚ ᱥᱟᱞᱟᱜ ᱞᱮᱱᱠᱷᱟᱱ ᱵᱷᱟᱥᱟ ᱟᱹᱲᱟᱹᱫᱚ ᱵᱮᱱᱟᱣᱜ ᱟ ᱾ ᱢᱮᱱᱫᱚ ᱡᱟᱦᱟᱸ ᱨᱚᱲᱚᱜᱚᱜ ᱠᱟᱱᱟ ᱚᱱᱟᱜᱮ ᱵᱷᱟᱥᱟ ᱾
ᱜᱨᱤᱠ ᱵᱷᱟᱥᱟᱛᱮ ᱨᱚᱲᱫᱚ ᱞᱳᱜᱚᱥ(Logos) ᱠᱚ ᱢᱮᱛᱟᱜ ᱟ᱾ ‘ᱞᱳᱜᱚᱥ’ ᱨᱮᱭᱟᱜ ᱢᱮᱱᱮᱛ ᱫᱚ ‘ᱩᱭᱦᱟᱹᱨ ᱫᱟᱲᱮ’᱾ ᱢᱟᱹᱱᱢᱤᱭᱟᱜ ᱩᱭᱦᱟᱹᱨ ᱦᱚᱨᱟ, ᱟᱹᱭᱠᱟᱹᱣ ᱥᱩᱛᱩᱨ ᱠᱚ ᱱᱚᱶᱟ ᱦᱚᱛᱮᱛᱮ ᱥᱚᱫᱚᱨᱚᱜ ᱟ ᱾ ᱚᱱᱟᱛᱮ ᱰᱚᱠᱴᱚᱨ ᱛᱟᱨᱟᱯᱚᱨᱣᱟᱞᱟ ᱫᱚᱭ ᱢᱮᱱ ᱟᱠᱟᱫᱟ- The world man is from man to think. ᱥᱟᱹᱨᱤᱜᱮ ᱦᱚᱲ ᱟᱡᱟᱜ ᱩᱭᱦᱟᱹᱨ ᱥᱚᱫᱚᱨ ᱠᱟᱛᱮ ᱟᱨᱢᱤᱫ ᱦᱚᱲᱮ ᱟᱹᱭᱠᱟᱹᱣ ᱚᱪᱚ ᱫᱟᱲᱮᱭᱟᱭ ᱠᱟᱱᱟ᱾ ᱚᱱᱟ ᱩᱭᱦᱟᱹᱨ ᱵᱷᱟᱵᱽ ᱮᱯᱮᱢ ᱪᱟᱯᱟᱞ ᱠᱷᱟᱹᱛᱤᱨ ᱥᱟᱶᱛᱟ ᱛᱟᱭ ᱥᱩᱞᱩᱠ ᱱᱤᱨᱟᱹᱭᱨᱮ ᱫᱚᱦᱚ
