ᱟᱹᱠᱤᱞ ᱜᱮᱭᱟᱱ ᱯᱨᱚᱢᱟᱬ ᱞᱟᱹᱜᱤᱫ ᱟᱨ ᱚᱠᱚᱭ ᱫᱚ ᱢᱤᱫᱵᱤᱛᱟᱹ ᱞᱟᱡ ᱟᱨ ᱜᱤᱫᱽᱨᱟᱹ ᱯᱤᱫᱽᱨᱟᱹ ᱦᱟᱜ ᱠᱷᱚᱨᱚᱪ ᱠᱚ ᱛᱩᱞᱟᱹᱣ ᱞᱟᱹᱜᱤᱫ ᱠᱟᱹᱢᱤ ᱠᱚ ᱚᱰᱚᱠᱚᱜ ᱠᱟᱱᱟ᱾ ᱟᱡᱟᱜ ᱛᱟᱲᱟᱢ ᱦᱚᱨ ᱨᱮ ᱟᱭᱢᱟ ᱞᱮᱠᱟᱱ ᱜᱷᱟᱹᱴᱤ ᱛᱟᱲᱟᱢ ᱯᱤᱪᱷᱤ ᱧᱟᱢ ᱤᱫᱤᱭᱟᱭ ᱾ ᱯᱩᱭᱞᱩ ᱫᱚ ᱚᱲᱟᱜ ᱨᱮᱱᱟᱜ ᱡᱮᱛᱮ ᱠᱟᱹᱢᱤ ᱥᱟᱹᱛ ᱠᱟᱛᱮ ᱜᱤᱫᱚᱨᱟᱹ ᱠᱚᱣᱟᱜ ᱟᱨ ᱚᱲᱟᱜ ᱦᱚᱲᱟᱜ ᱠᱟᱛᱷᱟ ᱵᱩᱡᱷᱟᱹᱣ ᱠᱟᱛᱮᱱ ᱚᱲᱟᱜ ᱠᱷᱚᱱ ᱚᱰᱚᱠᱚᱜ ᱞᱟᱹᱜᱤᱫ ᱛᱮ ᱜᱟᱱᱟᱰᱮ ᱫᱚᱱ ᱯᱟᱨᱚᱢ ᱞᱮᱠᱷᱟᱱ ᱜᱮ ᱚᱥᱟᱢᱟᱡᱤᱠ ᱥᱮ ᱵᱟᱹᱲᱤᱡ ᱩᱭᱦᱟᱹᱨᱟᱱ ᱦᱚᱲᱟᱜ ᱢᱮᱫᱨᱮ ᱦᱤᱡᱩᱜ ᱟᱭ ᱟᱨ ᱚᱱᱟᱦᱚᱸ ᱟᱹᱰᱤ ᱥᱟᱦᱟᱛᱮ ᱟᱨ ᱮᱨᱮᱲ ᱛᱮ ᱦᱩᱭ ᱟᱭ ᱠᱟᱱᱟ ᱾ ᱠᱟᱹᱢᱤ ᱴᱷᱟᱶ ᱨᱮᱦᱚᱸ ᱛᱤᱱᱟᱹᱜ ᱜᱟᱱ ᱦᱚᱲ ᱠᱩᱲᱤ ᱦᱚᱯᱚᱱᱟᱜ ᱟᱱᱟᱴ ᱨᱮᱱᱟᱝ ᱫᱟᱣᱠᱚ ᱦᱟᱛᱟᱣ ᱮᱫᱟ ᱾ ᱱᱟᱦᱟᱪᱟᱨ, ᱵᱟᱹᱲᱤᱡ ᱠᱟᱹᱢᱤ ᱨᱮ ᱞᱟᱜᱟᱣ ᱥᱟᱶᱛᱮ ᱴᱟᱠᱟ ᱞᱚᱵᱷᱛᱮ ᱦᱚᱸᱠᱚ ᱟᱹᱠᱷᱨᱤᱧ ᱮᱫ ᱠᱚᱣᱟ᱾
ᱥᱟᱶᱛᱟ ᱨᱮ ᱟᱸᱫᱷᱟ ᱯᱟᱹᱛᱭᱟᱹᱣ : ᱱᱚᱶᱟ ᱥᱟᱬᱮᱥ ᱦᱚᱨᱟᱛᱮ ᱛᱟᱲᱟᱢ ᱟᱛᱮ ᱥᱩᱠᱷ ᱱᱤᱨᱟᱹᱭ ᱡᱤᱣᱤ ᱠᱷᱮᱢᱟᱣ ᱚᱠᱛᱚ ᱨᱮ ᱟᱵᱚ ᱥᱟᱶᱛᱟ ᱨᱮ ᱰᱟᱹᱱ, ᱵᱷᱩᱛ, ᱵᱚᱸᱜᱟ ᱨᱮᱱᱟᱜ ᱟᱹᱰᱤ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱾ ᱨᱩᱣᱟ, ᱦᱟᱹᱥᱩ ᱵᱮᱢᱟᱨ ᱟᱡᱟᱨ ᱮᱢᱟᱱ ᱚᱰᱚᱠ ᱞᱮᱱᱠᱷᱟᱱ ᱰᱟᱠᱛᱚᱨ ᱴᱷᱮᱱ ᱵᱟᱝ ᱥᱮᱱᱠᱟᱛᱮ ᱚᱡᱷᱟ ᱜᱩᱨᱩ ᱠᱚᱴᱷᱮᱱ ᱥᱩᱱᱩᱢ ᱵᱚᱱ ᱠᱷᱟᱹᱲᱤ ᱦᱚᱪᱚᱭᱮᱜᱼᱟ ᱾ ᱥᱩᱱᱩᱢ ᱠᱷᱟᱹᱲᱤ ᱨᱮ ᱠᱩᱲᱤ ᱦᱚᱯᱚᱱ ᱜᱮ ᱰᱟᱹᱱ ᱮ ᱫᱚᱥᱚᱜᱼᱟ ᱠᱚᱲᱟ ᱫᱚ ᱵᱟᱝ ᱾ ᱤᱱᱟᱹᱠᱷᱟᱱ ᱜᱮ ᱨᱩᱣᱟᱹᱜ ᱠᱟᱱ ᱵᱟᱝᱠᱷᱟᱱ ᱜᱚᱡ ᱟᱠᱟᱱ ᱚᱲᱟᱜ ᱦᱚᱲᱠᱚ ᱚᱡᱷᱟ ᱦᱟᱜ ᱞᱟᱹᱭ ᱩᱥᱠᱟᱹᱣ ᱰᱟᱹᱱ ᱢᱮᱱᱛᱮ ᱫᱩᱥᱟᱹᱣ ᱟᱠᱟᱱ ᱠᱩᱲᱤ ᱦᱚᱯᱚᱱ ᱪᱮᱛᱟᱱᱨᱮ ᱫᱟᱞ ᱛᱚᱞ ᱠᱚ ᱮᱛᱚᱦᱚᱵᱟ ᱾ ᱢᱤᱢᱤᱫᱴᱟᱝ ᱟᱹᱛᱩ ᱨᱮᱫᱚ ᱟᱹᱛᱩ ᱡᱟᱠᱟᱛ ᱦᱚᱲ ᱢᱮᱥᱟ ᱠᱟᱛᱮ ᱩᱱᱤ ᱠᱩᱲᱤ ᱦᱚᱯᱚᱱ ᱪᱮᱛᱟᱱᱨᱮ ᱟᱹᱰᱤ ᱵᱮ ᱵᱟᱹᱲᱤᱡ ᱠᱚ ᱠᱟᱹᱢᱤᱭᱟ ᱟᱨ ᱜᱚᱡ ᱦᱚᱸᱠᱚ ᱜᱚᱡ ᱮᱫ ᱠᱚᱣᱟ ᱾ ᱤᱱᱟᱹ ᱢᱤᱫ ᱞᱮᱠᱟᱱ ᱵᱤᱨᱫᱟᱹᱯᱜᱮ ᱠᱚᱲᱟ ᱵᱟᱰᱟᱭ ᱞᱮᱠᱷᱟᱱ ᱚᱡᱷᱟ ᱟᱨ ᱠᱩᱲᱤ ᱠᱷᱟᱱ ᱫᱚ ᱰᱟᱹᱱ ᱾
ᱵᱚᱸᱜᱟ ᱵᱳᱨᱳ ᱥᱮᱵᱟᱹᱨᱮ : ᱵᱚᱸᱜᱟ ᱵᱳᱨᱳ ᱱᱮᱵᱟ ᱤᱫᱤᱠᱟᱛᱮ ᱜᱟᱞᱪᱚ ᱞᱮᱠᱷᱟᱱ ᱧᱮᱞᱚᱜᱼᱟ ᱠᱟᱹᱢᱤ ᱮᱛᱚᱦᱚᱵ ᱠᱷᱚᱱ ᱜᱮ ᱠᱩᱲᱤ
᱔᱙ ᱜᱟᱱᱟᱝ ᱪᱤᱴᱷᱤ ᱥᱟᱠᱟᱢ
