ᱫᱩᱞᱟᱹᱲ ᱫᱩᱯᱩᱞᱟᱹᱲ : ᱱᱟᱦᱟᱜ ᱡᱩᱜᱽ ᱨᱮ ᱱᱟᱹᱭ ᱜᱟᱰᱟ ᱨᱤᱱᱤᱡ ᱛᱟᱭᱟᱱ ᱟᱨ ᱜᱟᱰᱟ ᱟᱲᱮ ᱵᱤᱞᱤ ᱠᱩᱫ ᱡᱚᱢ ᱦᱟᱹᱬᱩ ᱠᱟᱹᱦᱱᱤ ᱞᱮᱠᱟᱱ ᱜᱷᱚᱴᱚᱱ ᱠᱚ ᱦᱩᱭᱩᱜ ᱠᱟᱱᱟ ᱾ ᱠᱚᱲᱟ ᱠᱚ ᱛᱟᱭᱟᱱ ᱞᱮᱠᱟᱜᱮ ᱠᱷᱟᱹᱞᱤ ᱠᱷᱟᱹᱞᱤ ᱜᱟᱛᱮ ᱠᱟᱛᱮ ᱠᱩᱠᱢᱩ ᱠᱚ ᱩᱫᱩᱜ ᱟᱠᱚ ᱠᱟᱱᱟ ᱟᱨ ᱛᱟᱭᱟᱱ ᱞᱮᱠᱟ ᱛᱟᱞᱟ ᱱᱟᱹᱭᱛᱮ ᱟᱹᱭᱩᱨ ᱤᱫᱤ ᱠᱟᱛᱮ ᱦᱟᱹᱬᱩ ᱟᱜ ᱠᱚᱞᱡᱟ ᱡᱚᱢ ᱞᱟᱹᱜᱤᱫ ᱜᱮ ᱟᱹᱜᱩ ᱟᱠᱟᱫ ᱢᱮᱭᱟᱹᱧ ᱢᱮᱱᱛᱮ ᱢᱮᱛᱟᱫᱮ ᱞᱮᱠᱟᱜᱮ ᱦᱩᱭᱩᱜ ᱠᱟᱱᱟ᱾ ᱠᱩᱲᱤ ᱠᱚᱠᱚ ᱮᱲᱮ ᱦᱚᱪᱚᱜ ᱠᱟᱱᱟ ᱢᱮᱱᱠᱷᱟᱱ ᱵᱟᱵᱟ ᱠᱚᱫᱚ ᱵᱟᱝ ᱠᱚ ᱥᱚᱫᱚᱨᱚᱜ ᱠᱟᱱᱟ ᱟᱨ ᱚᱠᱚᱭ ᱵᱟᱵᱟ ᱠᱚᱠᱚ ᱥᱟᱵ ᱦᱚᱪᱚᱜ ᱠᱟᱱ ᱨᱮᱦᱚᱸ ᱱᱤᱡᱮ ᱵᱟᱝ ᱠᱷᱟᱱ ᱟᱡᱨᱤᱱ ᱟᱭᱳ ᱵᱟᱵᱟ ᱚᱲᱟᱜ ᱦᱚᱲᱠᱚ ᱪᱮᱠᱟᱛᱮ ᱯᱩᱪᱩᱡ ᱦᱚᱪᱚᱭᱮᱭᱟᱠᱚ ᱚᱱᱟᱠᱚ ᱨᱤᱠᱟᱹᱭᱟ ᱾ ᱠᱩᱲᱤ ᱟᱜ ᱪᱟᱹᱞᱤ ᱪᱚᱲᱚᱱ ᱠᱷᱟᱨᱟᱯ ᱛᱟᱭ ᱢᱮᱱᱛᱮ ᱜᱮᱠᱚ ᱫᱚᱥ ᱮᱭᱟ ᱾
ᱠᱩᱲᱤ ᱜᱤᱫᱽᱨᱟᱹ ᱦᱟᱜ ᱠᱩᱥᱤ ᱨᱮᱵᱮᱱ ᱛᱟᱦᱮᱸᱱ ᱵᱟᱝ ᱛᱟᱦᱮᱸᱱ ᱟᱭᱳ ᱵᱟᱵᱟ ᱦᱟᱜ ᱠᱩᱥᱤ ᱨᱮᱵᱮᱱ ᱛᱟᱦᱮᱸᱱ ᱟᱨ ᱠᱚᱲᱟ ᱠᱚᱲᱟᱮᱱᱠᱷᱟᱱ ᱡᱚᱵᱚᱨ ᱢᱚᱞᱚᱝ ᱨᱮ ᱥᱤᱸᱫᱩᱨᱟᱭ ᱠᱟᱱᱟᱭ ᱾ ᱚᱱᱟ ᱨᱮᱱᱟᱜ ᱫᱚ ᱴᱷᱟᱶ ᱥᱮ ᱚᱠᱛᱚ ᱨᱮᱱᱟᱜ ᱪᱮᱫ ᱦᱚᱸ ᱵᱤᱪᱟᱹᱨ ᱵᱟᱝ ᱛᱟᱦᱮᱸᱱ ᱠᱟᱱᱟ ᱾ ᱠᱩᱥᱤ ᱨᱮᱵᱮᱱ ᱵᱟᱝ ᱛᱟᱦᱮᱸᱱ ᱨᱮᱦᱚᱸ ᱠᱩᱲᱤ ᱜᱤᱫᱽᱨᱟᱹ ᱵᱚᱲᱦᱮᱛᱮ ᱵᱟᱯᱞᱟ ᱥᱟᱹᱨᱤ ᱠᱟᱛᱮ ᱛᱟᱦᱮᱸ ᱦᱩᱭᱩᱜ ᱛᱟᱭᱟ ᱵᱟᱝᱠᱷᱟᱱ ᱪᱷᱟᱹᱰᱩᱭ ᱢᱮᱱᱛᱮ ᱢᱮᱱᱚᱜᱼᱟᱭ᱾
ᱠᱟᱹᱢᱤᱭᱟᱹ ᱠᱩᱲᱤ ᱠᱚ : ᱟᱹᱰᱤ ᱞᱮᱠᱟᱱ ᱮᱴᱠᱮᱴᱚᱬᱮ ᱥᱟᱢᱟᱝ ᱠᱟᱛᱮ ᱨᱮᱦᱚᱸ ᱛᱤᱨᱞᱟᱹ ᱠᱚ ᱢᱟᱨᱟᱝ ᱢᱚᱱᱛᱨᱤ, ᱨᱟᱥᱴᱨᱚ ᱯᱚᱛᱤ, ᱨᱟᱡᱭᱚᱯᱟᱲ, ᱰᱟᱠᱛᱚᱨ, ᱤᱸᱡᱤᱱᱤᱭᱟᱨ, ᱢᱟᱨᱟᱝ ᱢᱟᱨᱟᱝ ᱚᱯᱷᱤᱥᱚᱨ ᱟᱨᱦᱚᱸ ᱠᱚᱲᱟ ᱠᱚ ᱞᱮᱠᱟᱜᱮ ᱥᱤᱢᱟᱹᱨᱮ ᱪᱟᱞᱟᱣ ᱠᱟᱛᱮ ᱞᱟᱹᱰᱷᱟᱹᱭ ᱠᱟᱱᱟ᱾ ᱢᱮᱬᱦᱮᱸᱫ ᱯᱟᱹᱛᱭᱟᱹ ᱨᱮ ᱨᱮᱞᱜᱟᱹᱰᱤ ᱞᱟᱲᱟᱣ ᱠᱷᱚᱱ ᱮᱦᱚᱵ ᱠᱟᱛᱮ ᱯᱷᱟᱭᱴᱟᱨ ᱡᱮᱴ ᱟᱨ ᱩᱰᱟᱹᱱᱜᱟᱹᱰᱤ ᱥᱮᱨᱢᱟ ᱞᱟᱯᱷᱟᱝ ᱨᱤᱢᱤᱞ ᱛᱟᱞᱟ ᱨᱮ ᱪᱮᱬᱮ ᱞᱮᱠᱟ ᱨᱤᱯᱤ ᱨᱤᱯᱤ ᱩᱰᱟᱹᱣ ᱮᱜᱼᱟᱭ ᱮᱱᱛᱮ ᱨᱮᱦᱚᱸ ᱥᱟᱶᱛᱮ ᱠᱟᱹᱢᱤᱭᱟᱹ ᱠᱚᱲᱟ ᱠᱚ ᱴᱷᱮᱱ ᱠᱚ ᱱᱤᱥᱲᱟᱹᱣ ᱦᱚᱪᱚᱜ ᱠᱟᱱᱟ ᱮᱢᱟᱱ ᱛᱮᱢᱟᱱ ᱢᱮᱱᱠᱟᱛᱮ ᱾ ᱛᱤᱨᱞᱟᱹ ᱦᱚᱯᱚᱱ ᱠᱚ ᱞᱟᱹᱜᱤᱫ ᱟᱹᱰᱤ ᱞᱮᱠᱟᱱ ᱠᱟᱹᱢᱤ ᱪᱟᱹᱠᱨᱤ ᱠᱚ ᱚᱰᱚᱠ ᱟᱠᱟᱱᱟ ᱟᱨᱠᱚ ᱠᱟᱹᱢᱤᱭᱮᱫ ᱜᱮᱭᱟ ᱾ ᱚᱠᱚᱭ ᱫᱚ ᱱᱤᱡᱚᱨᱟᱜ
᱕᱘ ᱜᱟᱱᱟᱝ ᱪᱤᱴᱷᱤ ᱥᱟᱠᱟᱢ
