ᱥᱟᱱᱛᱟᱲ ᱥᱟᱶᱛᱟ ᱨᱮ ᱦᱟᱺᱰᱤ
ᱵᱟᱰᱟᱭ ᱛᱮᱫ : ᱦᱟᱺᱰᱤ ᱫᱚ ᱱᱤᱥᱟᱹ ᱡᱤᱱᱤᱥ ᱠᱟᱱᱟ᱾ ᱛᱚᱵᱮ ᱱᱚᱶᱟ ᱤᱫᱤ ᱛᱮᱜᱮ ᱮᱛᱚᱦᱚᱵ ᱢᱟᱹᱱᱢᱤ ᱵᱚ ᱥᱟᱸᱜᱮ ᱞᱮᱱ ᱤᱫᱤᱛᱮ ᱥᱟᱱᱛᱟᱲ ᱥᱟᱶᱛᱟ ᱨᱮ ᱵᱚᱸᱜᱟ ᱵᱳᱨᱳ ᱡᱷᱚᱜ ᱞᱟᱹᱠᱛᱤ ᱟᱱᱟᱜ ᱠᱟᱱᱟ ᱾
ᱡᱟᱭᱛᱮᱫ : ᱦᱟᱺᱵᱤ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱟᱹᱨᱤ ᱪᱟᱹᱞᱤ ᱥᱟᱶ ᱛᱚᱯᱚᱞ ᱢᱤᱫ ᱟᱠᱟᱱᱟ᱾ ᱵᱟᱦᱟ, ᱥᱚᱦᱨᱟᱭ, ᱡᱟᱱᱛᱟᱲ, ᱡᱟᱱᱟᱢᱚᱜ, ᱜᱩᱡᱩᱜ ᱮᱢᱟᱱ ᱠᱚᱨᱮ ᱱᱚᱶᱟ ᱨᱮᱱᱟᱜ ᱞᱚᱲᱟ ᱢᱮᱱᱟᱜᱼᱟ ᱾ ᱵᱚᱸᱜᱟ ᱪᱚᱰᱚᱨ ᱛᱟᱭᱚᱢ ᱡᱟᱦᱟᱸ ᱥᱟᱨᱮᱡ ᱛᱟᱦᱮᱸᱱᱟ, ᱚᱱᱟᱫᱚ ᱵᱚᱸᱜᱟ ᱥᱟᱨᱮᱡ ᱵᱚ ᱢᱮᱛᱟᱜ ᱠᱟᱱᱟ ᱾ ᱵᱤᱱᱛᱤ ᱵᱟᱠᱷᱮᱬ ᱠᱚᱨᱮ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱢᱤᱫ ᱫᱤᱱ ᱱᱚᱶᱟ ᱵᱚᱸᱜᱟ ᱥᱟᱨᱮᱡ ᱧᱩ ᱠᱟᱛᱮ ᱜᱮ ᱫᱷᱟᱹᱨᱛᱤ ᱨᱤᱱ ᱮᱛᱚᱦᱚᱵ ᱢᱟᱱᱣᱟ ᱯᱤᱞᱪᱩ ᱦᱟᱲᱟᱢ ᱟᱨ ᱯᱤᱞᱪᱩ ᱵᱩᱰᱷᱤ ᱠᱤᱱ ᱡᱩᱨᱤ ᱯᱟᱹᱨᱤ ᱞᱮᱱᱟᱹ ᱦᱤᱲᱤᱧ ᱞᱟᱜᱼᱟ ᱠᱤᱱ ᱟᱹᱠᱤᱱᱟᱟᱜ ᱵᱚᱭᱦᱟ ᱢᱤᱥᱨᱟ ᱥᱟᱹᱜᱟᱹᱭ᱾
ᱱᱟᱭᱠᱟ : ᱥᱟᱱᱛᱟᱲ ᱥᱟᱶᱛᱟ ᱨᱮ ᱦᱟᱺᱰᱤ ᱫᱚ ᱵᱚᱸᱜᱟ ᱵᱳᱨᱳ ᱠᱚ ᱡᱮᱠᱷᱟ ᱫᱚᱦᱚᱜᱼᱟ ᱟᱨᱵᱟᱝ ᱛᱮᱭᱟᱨᱚᱜᱼᱟ ᱾ ᱚᱱᱟ ᱥᱟᱨᱮᱡᱟᱜ ᱫᱚ ᱨᱟᱱ ᱞᱮᱠᱟ ᱧᱩ ᱦᱟᱹᱴᱤᱧ ᱞᱟᱹᱠᱛᱤᱭᱟ ᱾ ᱦᱟᱺᱰᱤ ᱛᱮᱫᱚ ᱵᱩᱵᱩᱞᱟ, ᱛᱚᱵᱮ ᱡᱚᱠᱷᱟ ᱡᱟᱹᱱᱤ ᱧᱩ ᱞᱮᱠᱷᱟᱱ ᱨᱟᱱ ᱞᱮᱠᱟᱭ ᱠᱟᱹᱢᱤᱭᱟ᱾ ᱱᱚᱶᱟ ᱵᱮᱜᱚᱨ ᱛᱮ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱠᱟᱹᱢᱤ ᱵᱟᱭ ᱛᱚᱨᱟᱣᱜᱼᱟ᱾ ᱛᱚᱵᱮ ᱱᱚᱶᱟ ᱨᱮᱱᱟᱜ ᱵᱮᱵᱷᱟᱨ ᱵᱟᱢ ᱜᱟᱱ ᱞᱮᱠᱷᱟᱱ ᱵᱟᱹᱲᱤᱡ ᱜᱮᱭᱟ᱾
ᱠᱟᱭᱠᱟ : ᱥᱟᱱᱛᱟᱲ ᱥᱟᱶᱛᱟ ᱨᱮ ᱱᱤᱛᱚᱜ ᱧᱮᱞᱚᱜᱚᱜ ᱠᱟᱱᱟ ᱵᱚᱸᱜᱟ ᱥᱟᱨᱮᱡ ᱥᱟᱨᱮᱡ ᱛᱮᱜᱮ ᱦᱟᱴ ᱵᱟᱡᱟᱨ ᱫᱷᱟᱹᱨᱤᱡ ᱥᱮᱴᱮᱨ ᱮᱱᱟ ᱟᱨ ᱠᱤᱨᱤᱧ ᱟᱹᱠᱷᱨᱤᱧ ᱮᱛᱚᱦᱚᱵ ᱮᱱᱟ ᱾ ᱦᱚᱲ ᱠᱚᱦᱚᱸ ᱞᱟᱹᱠᱛᱤ ᱠᱷᱚᱱ ᱵᱟᱹᱲᱛᱤ ᱠᱚ ᱧᱩᱭᱮᱫ ᱛᱮ ᱦᱚᱲᱢᱚ ᱨᱮ ᱟᱡᱟᱨ ᱵᱮᱢᱟᱨ ᱥᱤᱨᱡᱟᱹᱣᱜ ᱠᱟᱱᱟ ᱾ ᱚᱱᱟ ᱛᱮ ᱱᱚᱶᱟ ᱩᱱᱟᱹᱜ ᱩᱥᱛᱟᱹᱭ ᱵᱮᱵᱷᱟᱨ ᱫᱚ ᱵᱟᱭ ᱵᱩᱜᱤᱭᱟ ᱾
ᱢᱩᱪᱟᱹᱫ : ᱱᱤᱛᱚᱜ ᱡᱩᱜᱽ ᱨᱮ ᱱᱤᱥᱟᱹ ᱠᱷᱚᱱ ᱥᱟᱦᱟ ᱨᱮ ᱛᱟᱦᱮᱸ ᱠᱟᱛᱮ ᱮᱴᱟᱜ ᱠᱚ ᱡᱟᱹᱛ ᱨᱤᱱ ᱦᱚᱲ ᱞᱮᱠᱟ ᱞᱟᱦᱟᱱᱛᱤ ᱦᱚᱨᱟ ᱜᱮᱵᱚ ᱧᱮᱞ ᱢᱟ ᱟᱨ ᱦᱟᱺᱰᱤ ᱫᱚ ᱞᱟᱹᱠᱛᱤ ᱡᱟᱹᱱᱤ ᱜᱮᱵᱚᱱ ᱞᱟᱜᱟᱛᱢᱟ ᱟᱨ ᱨᱟᱱ ᱞᱮᱠᱟ ᱜᱮᱵᱚᱱ ᱵᱮᱵᱷᱟᱨ ᱢᱟ ᱾
-xxxx xxxx-
᱔᱕ ᱜᱟᱱᱟᱝ ᱪᱤᱴᱷᱤ ᱥᱟᱠᱟᱢ
