ᱢᱩᱪᱟᱹᱫ : ᱯᱟᱨᱜᱟᱱᱟ ᱵᱤᱪᱟᱹᱨ ᱜᱮ ᱟᱵᱚᱣᱟᱜ ᱥᱚᱨᱮᱥ ᱵᱤᱪᱟᱹᱨ ᱠᱟᱱᱟ᱾ ᱚᱱᱟᱛᱮ ᱟᱵᱚ ᱡᱚᱛᱚ ᱵᱚᱱ ᱵᱤᱪᱟᱹᱨ ᱞᱮᱠᱷᱟᱱ ᱟᱵᱚ ᱞᱮᱠᱟ ᱵᱤᱪᱟᱨ ᱛᱟᱵᱚᱱ ᱛᱚᱯᱟᱜᱚᱜᱼᱟ ᱟᱨ ᱵᱷᱟᱹᱜᱤ ᱱᱟᱭ ᱵᱚᱱ ᱧᱟᱢᱟ ᱾
-xxxx xxxx-
ᱥᱟᱱᱛᱟᱲ ᱥᱟᱶᱛᱟ ᱨᱮ ᱥᱤᱸᱫᱩᱨ
ᱵᱟᱰᱟᱭ ᱛᱮᱫ : ᱟᱵᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱫᱚ ᱟᱹᱰᱤ ᱞᱮᱠᱟᱱ ᱪᱟᱭ ᱪᱚᱞᱚᱱ ᱢᱮᱱᱟᱜ ᱟᱹᱜᱩ ᱟᱠᱟᱜᱼᱟ᱾ ᱛᱤᱱᱟᱹᱝᱜᱟᱱ ᱞᱟᱹᱠᱛᱤᱭᱟᱱ ᱡᱤᱱᱤᱥ ᱠᱚ ᱵᱟᱝ ᱠᱷᱟᱱ ᱟᱵᱚᱣᱟᱜ ᱞᱟᱭ ᱞᱟᱠᱪᱟᱨ ᱵᱟᱭ ᱵᱟᱧᱪᱟᱣ ᱠᱚᱜᱼᱟ᱾ ᱚᱱᱟᱠᱚ ᱢᱟᱹᱫ ᱨᱮ ᱥᱤᱸᱫᱩᱨ ᱨᱮᱱᱟᱜ ᱵᱮᱵᱷᱟᱨ ᱫᱚ ᱢᱤᱫᱴᱟᱝ ᱾
ᱡᱟᱭᱛᱮᱫ : ᱟᱵᱚ ᱥᱟᱶᱛᱟ ᱨᱮ ᱵᱮᱵᱷᱟᱨᱚᱜ ᱠᱟᱱ ᱥᱤᱸᱫᱩᱨ ᱢᱩᱫ ᱨᱮ ᱵᱟᱹᱲᱛᱤ ᱠᱟᱭᱛᱮ ᱵᱟᱨ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ᱾ ᱡᱮᱢᱚᱱ ᱢᱤᱫ ᱫᱚ ᱥᱩᱱᱩᱢ ᱥᱤᱸᱫᱩᱨ ᱟᱨ ᱢᱤᱫ ᱫᱚ ᱫᱷᱩᱲᱤ ᱥᱤᱸᱫᱩᱨ ᱾ ᱥᱩᱱᱩᱢ ᱥᱤᱸᱫᱩᱨ ᱫᱚ ᱚᱱᱟᱜᱮᱵᱚᱱ ᱢᱮᱛᱟᱜ ᱠᱟᱱᱟ, ᱡᱟᱦᱟᱸ ᱥᱤᱸᱫᱩᱨ ᱵᱮᱵᱷᱟᱨᱚᱜ ᱞᱟᱦᱟ ᱨᱮ ᱥᱩᱱᱩᱢ ᱥᱟᱞᱟᱜ ᱢᱮᱥᱟ ᱠᱟᱛᱮ ᱵᱮᱵᱷᱟᱨᱚᱜᱼᱟ᱾ ᱥᱤᱸᱫᱩᱨ ᱵᱮᱵᱷᱟᱨᱚᱜ ᱡᱷᱚᱜ ᱡᱚᱛᱚ ᱚᱠᱛᱚ ᱨᱮᱜᱮ ᱥᱟᱨᱡᱚᱢ ᱥᱟᱠᱟᱢ ᱨᱮᱱᱟᱜ ᱯᱷᱩᱲᱩᱜ ᱨᱮᱜᱮ ᱵᱮᱵᱷᱟᱨᱚᱜᱼᱟ᱾ ᱫᱷᱩᱲᱤ ᱥᱤᱸᱫᱩᱨ ᱫᱚ ᱥᱩᱱᱩᱢ ᱫᱚ ᱵᱟᱭ ᱢᱮᱥᱟᱜᱼᱟ ᱚᱱᱠᱟ ᱨᱚᱦᱚᱲ ᱜᱮ ᱵᱮᱵᱷᱟᱨᱚᱜᱼᱟ ᱾
ᱱᱚᱶᱟ ᱵᱟᱨ ᱞᱮᱠᱟ ᱦᱟᱹᱴᱤᱧ ᱥᱤᱸᱫᱩᱨ ᱦᱚᱸ ᱵᱷᱮᱜᱟᱨ ᱵᱷᱮᱜᱟᱨ ᱡᱟᱜᱟᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ ᱾ ᱡᱮᱢᱚᱱ ᱚᱱᱟᱠᱚᱫᱚ - (᱑) ᱵᱚᱸᱜᱟ ᱥᱤᱸᱫᱩᱨ, (᱒) ᱵᱟᱦᱟᱭ ᱥᱤᱸᱫᱩᱨ ᱟᱨ (᱓) ᱪᱷᱩᱛ ᱥᱤᱸᱫᱩᱨ ᱾
ᱵᱚᱸᱜᱟᱭ ᱥᱤᱸᱫᱩᱨ ᱫᱚ ᱚᱱᱟᱵᱚ ᱢᱮᱛᱟᱜ ᱠᱟᱱᱟ ᱡᱟᱦᱟᱸ ᱥᱤᱸᱫᱩᱨ ᱵᱚᱸᱜᱟ ᱵᱳᱨᱳ ᱚᱠᱛᱚ ᱨᱮ ᱵᱮᱵᱷᱟᱨᱚᱜᱼᱟ ᱾ ᱵᱚᱸᱜᱟ ᱵᱳᱨᱳ ᱡᱷᱚᱜ ᱦᱚᱸ ᱵᱟᱨ ᱞᱮᱠᱟᱱ ᱥᱤᱸᱫᱩᱨ ᱜᱮ ᱵᱮᱵᱷᱟᱨᱚᱜᱼᱟ ᱾
᱔᱐ ᱜᱟᱱᱟᱝ ᱪᱤᱴᱷᱤ ᱥᱟᱠᱟᱢ
