ᱡᱟᱦᱮᱨ ᱜᱟᱲ
ᱵᱟᱰᱟᱭ ᱛᱮᱫ : ᱟᱹᱛᱩ ᱛᱮᱸᱜᱮᱱ ᱮᱱ ᱛᱟᱭᱚᱢ ᱵᱚᱸᱜᱟ ᱵᱳᱨᱳ ᱠᱚ ᱥᱮᱵᱟ ᱫᱮᱵᱟ ᱠᱚ ᱞᱟᱹᱜᱤᱫ ᱢᱤᱫ ᱛᱷᱟᱱ ᱵᱮᱱᱟᱣᱜᱼᱟ ᱚᱸᱰᱮ ᱫᱚ ᱡᱟᱦᱮᱨ ᱟᱭᱳ ᱟᱨ ᱥᱤᱢᱟᱹ ᱥᱟᱲᱮ ᱵᱚᱸᱜᱟ ᱵᱳᱨᱳ ᱠᱚ ᱛᱷᱟᱯᱚᱱ ᱠᱚᱣᱟ ᱚᱱᱟ ᱡᱟᱭᱜᱟ ᱜᱮ ᱡᱟᱦᱮᱨ ᱜᱟᱲ ᱫᱚ ᱾
ᱡᱟᱭᱛᱮᱫ : ᱡᱟᱦᱮᱨ ᱜᱟᱲ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱵᱚᱸᱜᱟ ᱛᱷᱟᱱ ᱠᱟᱱᱟ ᱾ ᱱᱚᱸᱰᱮ ᱫᱚ ᱫᱟᱨᱮ ᱞᱟᱨᱮ ᱜᱮ ᱯᱮᱨᱮᱡ ᱠᱚᱜᱼᱟ ᱾ ᱵᱟᱹᱲᱛᱤ ᱠᱟᱛᱮ ᱫᱚ ᱥᱟᱨᱡᱚᱢ ᱫᱟᱨᱮ ᱜᱮ ᱛᱟᱦᱮᱸᱱᱟ ᱾ ᱡᱩᱨᱤ ᱥᱟᱨᱡᱚᱢ ᱫᱟᱨᱮ ᱵᱩᱴᱟᱹ ᱨᱮ ᱢᱤᱫᱴᱟᱜ ᱚᱲᱟᱜ ᱛᱟᱦᱮᱸᱱᱟ ᱾ ᱚᱱᱟᱫᱚ ᱢᱤᱫ ᱯᱟᱦᱴᱟ ᱜᱮ ᱥᱟᱹᱲᱤᱢ ᱠᱚᱜᱼᱟ ᱾ ᱚᱱᱟ ᱚᱲᱟᱜ ᱫᱚ ᱵᱟᱜᱠᱚ ᱠᱟᱸᱛ ᱜᱩᱲᱦᱟᱹᱭᱟ ᱯᱷᱟᱫᱟ ᱜᱮ ᱛᱟᱦᱮᱸᱱᱟ ᱾ ᱚᱱᱟ ᱚᱲᱟᱜ ᱨᱮᱫᱚ ᱡᱟᱦᱮᱨ ᱮᱨᱟ, ᱡᱤᱴᱟᱹ ᱜᱚᱥᱟᱸᱭ ᱟᱨ ᱢᱚᱲᱮᱠᱚ ᱯᱮᱭᱟ ᱵᱚᱸᱜᱟ ᱠᱚ ᱛᱷᱟᱯᱚᱱ ᱠᱚᱣᱟ ᱾ ᱚᱱᱟ ᱥᱩᱨ ᱫᱷᱟᱨᱟ ᱨᱮᱱᱟᱜ ᱟᱨ ᱢᱤᱫ ᱥᱟᱨᱡᱚᱢ ᱫᱟᱨᱮ ᱵᱩᱴᱟᱹ ᱨᱮᱫᱚ ᱥᱮᱸᱫᱽᱨᱟ ᱵᱚᱸᱜᱟ ᱠᱚ ᱛᱷᱟᱯᱚᱱ ᱠᱚᱣᱟ ᱾ ᱥᱮᱸᱫᱚᱨᱟ ᱵᱚᱸᱜᱟ ᱫᱚ ᱚᱲᱟᱜ ᱵᱟᱝᱠᱚ ᱵᱮᱱᱟᱣ ᱟᱠᱚᱣᱟ ᱾ ᱫᱷᱤᱨᱤ ᱛᱮᱠᱚ ᱵᱮᱲ ᱟᱹᱪᱠᱨ ᱟᱠᱚᱣᱟ ᱟᱨ ᱮᱴᱟᱜ ᱮᱴᱟᱜ ᱫᱟᱨᱮ ᱵᱩᱴᱟᱹ ᱨᱮᱫᱚ ᱥᱤᱢᱟᱹ ᱥᱟᱲᱮ ᱵᱚᱸᱜᱟ ᱠᱚ ᱛᱷᱟᱯᱚᱱ ᱠᱚᱣᱟ ᱾ ᱡᱟᱦᱮᱨ ᱨᱮᱱᱟᱜ ᱮᱛᱚᱢ ᱫᱷᱟᱨᱟ ᱨᱮ ᱟᱨ ᱦᱚᱸ ᱢᱤᱫᱴᱟᱜ ᱜᱩᱡᱟᱹᱭ ᱥᱟᱹᱲᱤᱢ ᱚᱲᱟᱜ ᱛᱟᱦᱮᱸᱱᱟ᱾ ᱚᱱᱟ ᱚᱲᱟᱜ ᱫᱚ ᱜᱚᱴᱟᱯᱟᱲᱟ ᱟᱹᱪᱠᱨᱚᱜᱼᱟ ᱾ ᱚᱱᱟ ᱚᱲᱟᱜ ᱫᱚ ᱫᱤᱥᱚᱢ ᱴᱷᱟᱹᱠᱨᱟᱹᱱ ᱟᱭᱳ ᱧᱩᱛᱩᱢ ᱟᱲᱟᱜ ᱠᱟᱱᱟ ᱾ ᱫᱤᱥᱚᱢ ᱴᱷᱟᱹᱠᱨᱟᱹᱱ ᱟᱭᱳ ᱧᱩᱛᱩᱢ ᱥᱤᱸᱫᱩᱨ ᱫᱚ ᱵᱟᱝᱠᱚ ᱴᱤᱰᱟᱹᱜᱟ ᱰᱷᱮᱨᱟ ᱞᱮᱠᱟ ᱠᱚ ᱥᱤᱸᱫᱠᱨᱟ᱾ ᱡᱟᱦᱮᱨ ᱚᱲᱟᱜ ᱫᱚ ᱵᱚᱪᱷᱚᱨ ᱫᱤᱱ ᱨᱮ ᱢᱤᱫ ᱫᱷᱟᱣ ᱵᱟᱦᱟ ᱵᱚᱸᱜᱟ ᱡᱚᱦᱚᱜ ᱠᱚ ᱫᱟᱞᱚᱵᱟ ᱟᱨ ᱰᱟᱝᱣᱟᱹ ᱠᱚᱮᱞᱲᱟ ᱩᱯᱟᱹᱥ ᱛᱮᱠᱚ ᱫᱟᱞᱚᱵᱟ᱾ ᱡᱟᱦᱮᱨ ᱨᱮᱫᱚ ᱵᱟᱦᱟ, ᱢᱟᱜᱢᱚᱬᱮ, ᱮᱨᱚᱜ, ᱟᱥᱟᱹᱮᱤᱭᱟᱹ ᱟᱨ ᱡᱚᱢ ᱱᱟᱣᱟ ᱮᱢᱟᱱ ᱵᱚᱸᱜᱟ ᱦᱩᱭᱩᱜᱼᱟ ᱾ ᱱᱚᱣᱟ ᱛᱷᱟᱱ ᱨᱮᱫᱚ ᱱᱟᱭᱠᱮ ᱜᱮ ᱵᱚᱸᱜᱟ ᱵᱳᱛᱳ ᱠᱚᱭ ᱥᱮᱵᱟ ᱫᱮᱵᱟ ᱠᱚᱣᱟ᱾ ᱨᱩᱣᱟᱹ ᱦᱟᱹᱥᱩ, ᱫᱟᱜ ᱵᱟᱝ ᱡᱟᱹᱲᱤ ᱠᱚᱨᱮ ᱟᱨ ᱫᱩᱠ ᱵᱤᱯᱚᱛ ᱠᱚᱨᱮ ᱟᱹᱛᱩ ᱡᱟᱠ ᱜᱚᱰ ᱡᱚᱦᱟᱨ ᱞᱮᱱᱠᱷᱟᱱ ᱟᱹᱛᱩ ᱨᱮᱱᱟᱜ ᱱᱟᱯᱟᱭ ᱦᱩᱭᱩᱜᱼᱟ ᱾ ᱡᱚᱦᱟᱨ ᱵᱮᱵᱷᱟᱨ ᱥᱟᱶᱛᱮ ᱛᱳᱣᱟ ᱠᱚᱦᱚᱸ ᱠᱚ ᱵᱚᱸᱜᱟ ᱟᱠᱚᱣᱟ᱾ ᱡᱟᱦᱮᱨ ᱨᱮᱫᱚ ᱵᱚᱸᱜᱟ ᱮᱱᱮᱡ ᱼ ᱡᱟᱹᱛᱩᱨ ᱜᱮᱠᱚ ᱮᱱᱮᱡ ᱥᱮᱨᱮᱧᱟ ᱮᱴᱟᱜ ᱮᱱᱮᱡ ᱥᱮᱨᱮᱧ ᱠᱚᱫᱚ ᱵᱟᱝ ᱦᱩᱭᱩᱜᱼᱟ᱾ ᱡᱟᱦᱮᱨ ᱨᱮᱱᱟᱜ ᱵᱷᱤᱸᱫᱟᱹᱲ ᱫᱟᱨᱮ ᱫᱚ
᱓᱒ ᱜᱟᱱᱟᱝ ᱪᱤᱴᱷᱤ ᱥᱟᱠᱟᱢ
