Page:ᱜᱟᱱᱟᱝ ᱟᱨ ᱪᱤᱴᱷᱤ ᱥᱟᱠᱟᱢ.pdf/31

ᱥᱤᱠᱟᱹᱨᱤᱭᱟᱹ ᱚᱱᱚᱲᱦᱤᱭᱟᱹ ᱠᱚ ᱫᱷᱟᱹᱨᱛᱤ ᱨᱮᱱᱟᱜ ᱪᱤᱛᱟᱹᱨ ᱜᱟᱵᱟᱱ ᱠᱟᱛᱮ ᱟᱠᱚᱣᱟᱜ ᱵᱷᱟᱹᱵᱽᱱᱟ ᱠᱚ ᱯᱷᱚᱴᱮᱞ ᱚᱰᱚᱠᱟ ᱾

ᱠᱟᱭᱠᱟ : ᱨᱟᱵᱟᱝ ᱨᱤᱛᱩ ᱨᱮᱫᱚ ᱟᱹᱰᱤ ᱜᱮ ᱨᱟᱵᱟᱝᱼᱟ ᱾ ᱱᱚᱶᱟ ᱨᱤᱛᱩ ᱨᱮ ᱨᱮᱸᱜᱮᱡ ᱦᱚᱲ ᱵᱟᱹᱲᱛᱤ ᱠᱟᱛᱮ ᱟᱹᱰᱤ ᱠᱚᱥᱴᱚ ᱠᱚ ᱧᱟᱢᱟ᱾ ᱩᱭᱩᱱ ᱞᱟᱹᱜᱤᱱ ᱠᱷᱟᱱᱛᱟ ᱪᱮ ᱠᱚᱢᱚᱞ ᱵᱟᱹᱨᱠᱤ ᱦᱚᱸ ᱵᱟᱭ ᱛᱟᱦᱮᱸᱱ ᱛᱟᱠᱚᱣᱟ ᱾ ᱨᱟᱵᱟᱝ ᱛᱮ ᱛᱤᱱᱟᱹᱜ ᱨᱩᱣᱟᱹ ᱠᱚᱪᱚ ᱜᱷᱟᱹᱞ ᱠᱚᱣᱟ ᱾ ᱦᱟᱲᱟᱢ ᱵᱩᱰᱷᱤ ᱠᱚᱫᱚ ᱨᱟᱵᱟᱝ ᱛᱮᱠᱚ ᱯᱟᱨᱚᱢ ᱤᱫᱤ ᱜᱚᱫᱚᱜᱼᱟ ᱾

ᱢᱩᱪᱟᱹᱫ : ᱨᱟᱵᱟᱝ ᱨᱤᱛᱩ ᱠᱚᱥᱴᱚ ᱟᱱ ᱨᱮᱦᱚᱸ ᱟᱹᱰᱤ ᱨᱟᱹᱥᱠᱟᱹ ᱟᱱ ᱨᱤᱛᱩ ᱠᱟᱱ ᱜᱮᱭᱟ ᱾ ᱦᱚᱲ ᱠᱚ ᱛᱩᱞᱩᱡ ᱧᱟᱯᱟᱢ ᱟᱨ ᱫᱷᱟᱹᱨᱛᱤ ᱨᱮᱱᱟᱝ ᱜᱚᱲᱦᱚᱱ ᱛᱮ ᱢᱚᱱᱮ ᱡᱤᱣᱤ ᱟᱹᱰᱤ ᱛᱮᱫᱼᱮ ᱯᱷᱮᱨᱟᱣᱟ ᱚᱱᱟᱛᱮ ᱵᱟᱹᱲᱛᱤ ᱦᱚᱲ ᱱᱚᱶᱟ ᱨᱤᱛᱩ ᱛᱟᱺᱜᱤ ᱛᱟᱬᱟᱜ ᱨᱮᱠᱚ ᱛᱟᱦᱮᱸᱱᱟ ᱾

-xxxx xxxx-

ᱱᱤᱨᱚᱱ ᱨᱤᱛᱩ

ᱵᱟᱰᱟᱭ ᱛᱮᱫ : ᱱᱤᱨᱚᱱ ᱨᱤᱛᱩ ᱫᱚ ᱯᱷᱟᱹᱜᱩᱱ ᱟᱨ ᱪᱟᱹᱛ ᱵᱚᱸᱜᱟ ᱨᱮ ᱦᱩᱭᱩᱜᱼᱟ ᱾ ᱨᱟᱵᱟᱝ ᱨᱤᱛᱩ ᱪᱟᱵᱟᱜ ᱥᱟᱶ ᱥᱟᱶᱛᱮ ᱱᱤᱨᱚᱱ ᱨᱤᱛᱩ ᱫᱚ ᱟᱹᱭᱠᱟᱹᱣᱜᱼᱟ ᱾ ᱱᱚᱶᱟ ᱨᱤᱛᱩ ᱫᱚ ᱨᱟᱵᱟᱝ ᱢᱮᱥᱟ ᱥᱤᱛᱩᱝ ᱵᱩᱡᱷᱟᱹᱣᱜᱼᱟ ᱾

ᱡᱟᱭᱛᱮᱫ : ᱱᱤᱨᱚᱱ ᱨᱤᱛᱩ ᱫᱚ ᱟᱹᱰᱤ ᱥᱚᱨᱮᱥᱟᱱ ᱨᱤᱛᱩ ᱠᱟᱱᱟ ᱾ ᱱᱚᱶᱟ ᱨᱤᱛᱩ ᱨᱮ ᱟᱹᱰᱤ ᱞᱮᱠᱟᱱ ᱵᱟᱦᱟ ᱛᱮ ᱫᱷᱟᱹᱨᱛᱤ ᱡᱟᱠᱟᱛ ᱥᱟᱡᱟᱣ ᱠᱚᱜᱼᱟ ᱾ ᱥᱟᱲ ᱵᱟᱦᱟ ᱧᱮᱞ ᱛᱮ ᱩᱨᱩ ᱵᱷᱟᱶᱟᱨ ᱠᱚ ᱨᱟᱥᱟ ᱪᱮᱯᱮᱡ ᱞᱟᱹᱜᱤᱱ ᱦᱟᱱᱟ ᱰᱟᱹᱨ ᱠᱷᱚᱱ ᱱᱷᱟᱣᱟ ᱰᱟᱹᱨ ᱠᱚ ᱩᱰᱟᱹᱣ ᱵᱟᱲᱟᱭᱟ ᱾ ᱟᱹᱰᱤ ᱞᱮᱠᱟᱱ ᱪᱤᱛᱟᱹᱨ ᱠᱟᱵᱟᱨ

ᱯᱤᱯᱤᱲᱤᱭᱟᱹᱝ ᱩᱰᱟᱹᱣ ᱵᱟᱲᱟᱭᱟᱠᱚ ᱦᱟᱱᱟ ᱵᱟᱦᱟ ᱠᱷᱚᱱ ᱱᱷᱟᱣᱟ ᱵᱟᱦᱟ ᱨᱟᱥᱟ ᱪᱮᱯᱮᱡ ᱞᱟᱹᱜᱤᱱ ᱛᱮ ᱾ ᱱᱤᱨᱚᱱ ᱦᱚᱭ ᱛᱮ ᱵᱟᱦᱟ ᱰᱟᱹᱨ ᱦᱚᱸ ᱦᱤᱞᱟᱹᱣᱜ ᱞᱤᱠᱤᱫ ᱞᱤᱠᱤᱫ ᱮᱱᱮᱡ ᱡᱚᱝ ᱠᱟᱱ ᱞᱮᱠᱟ ᱾ ᱱᱚᱶᱟ ᱨᱤᱛᱩ ᱨᱮ ᱵᱟᱹᱫᱽ ᱵᱟᱹᱭᱦᱟᱹᱲ ᱠᱟᱹᱢᱤ ᱠᱚ

᱒᱔ ᱜᱟᱱᱟᱝ ᱪᱤᱴᱷᱤ ᱥᱟᱠᱟᱢ