Page:ᱜᱟᱱᱟᱝ ᱟᱨ ᱪᱤᱴᱷᱤ ᱥᱟᱠᱟᱢ.pdf/29

ᱦᱟᱣᱮᱫ ᱨᱤᱛᱩ

ᱵᱟᱰᱟᱭ ᱛᱮᱫ : ᱛᱩᱨᱩᱭ ᱨᱤᱛᱩ ᱨᱮᱱᱟᱜ ᱥᱚᱦᱨᱟᱭ ᱟᱨ ᱟᱜᱷᱟᱬ ᱵᱚᱸᱜᱟ ᱠᱤᱱ ᱫᱚ ᱦᱟᱣᱮᱫ ᱨᱤᱛᱩ ᱢᱮᱱᱛᱮ ᱵᱚ ᱢᱮᱛᱟᱜ ᱠᱟᱱᱟ ᱾ ᱱᱚᱣᱟ ᱨᱤᱛᱩ ᱫᱚ ᱦᱮᱢᱟᱞ ᱨᱤᱛᱩ ᱪᱟᱵᱟᱜ ᱪᱟᱵᱟᱜ ᱛᱮᱜᱮ ᱥᱮᱴᱮᱨ ᱦᱤᱡᱩᱜᱼᱟ ᱾

ᱡᱟᱭᱛᱮᱫ : ᱦᱟᱣᱮᱫ ᱨᱤᱛᱩ ᱫᱚ ᱨᱮᱭᱟᱲ ᱮᱛᱚᱦᱚᱵᱚᱜᱼᱟ ᱾ ᱱᱚᱶᱟ ᱨᱤᱛᱩ ᱨᱮᱫᱚ ᱨᱮᱭᱟᱲ ᱦᱚᱭ ᱦᱤᱡᱩᱜᱼᱟ᱾ ᱢᱤᱼᱢᱤᱫ ᱫᱷᱟᱣ ᱫᱚ ᱟᱹᱰᱤ ᱱᱟᱯᱟᱭ ᱵᱩᱡᱷᱟᱹᱣᱜᱼᱟ ᱟᱨ ᱢᱤᱼᱢᱤᱫ ᱫᱷᱟᱣ ᱫᱚ ᱨᱟᱵᱟᱝᱼᱟ ᱾ ᱦᱟᱣᱮᱫ ᱨᱤᱛᱩ ᱨᱮᱫᱚ ᱧᱤᱫᱟᱹ ᱟᱹᱰᱤ ᱡᱩᱨ ᱥᱤᱥᱤᱨ ᱧᱩᱨᱩᱜᱼᱟ ᱟᱨ ᱢᱤᱼᱢᱤᱫ ᱫᱤᱱ ᱫᱚ ᱥᱮᱛᱟᱜ ᱫᱷᱟᱹᱨᱤᱡ ᱠᱩᱦᱲᱟᱹ ᱫᱷᱩᱸᱫ ᱜᱮ ᱛᱟᱦᱮᱛᱱᱟ ᱾ ᱥᱩᱯᱩᱨ ᱥᱩᱯᱩᱨ ᱛᱟᱦᱮᱸᱱ ᱨᱮᱦᱚᱸ ᱵᱟᱢ ᱧᱮᱯᱮᱞᱟ ᱾

ᱫᱷᱟᱹᱨᱛᱤ ᱨᱮᱱᱟᱜ ᱪᱤᱛᱟᱹᱨ : ᱵᱮᱲᱟ ᱨᱟᱠᱟᱵ ᱚᱠᱛᱚ ᱚᱱᱟ ᱥᱤᱥᱤᱨ ᱨᱮ ᱪᱟᱸᱫᱚ ᱛᱟᱨᱟᱥ ᱟᱹᱰᱤ ᱱᱟᱯᱟᱭ ᱧᱮᱞᱚᱜᱼᱟ ᱾ ᱪᱟᱸᱫᱚ ᱦᱚᱸ ᱟᱹᱰᱤ ᱱᱤᱨᱲᱟᱹ ᱟᱨᱟᱜ ᱜᱮ ᱧᱚᱞᱚᱜᱼᱟᱭ ᱤᱱᱟᱹ ᱚᱠᱛᱚ ᱫᱷᱟᱹᱨᱛᱤ ᱨᱮᱭᱟᱜ ᱪᱤᱛᱟᱹᱨ ᱟᱹᱰᱤ ᱱᱟᱯᱟᱭ ᱧᱮᱞᱚᱜᱼᱟ ᱾ ᱠᱟᱹᱡ ᱠᱟᱹᱡ ᱛᱮ ᱪᱟᱸᱫᱚᱭ ᱥᱟᱥᱟᱝ ᱤᱫᱤᱜᱼᱟ ᱟᱨ ᱠᱩᱲᱦᱟᱹ ᱥᱤᱥᱤᱨ ᱦᱚᱹ ᱥᱟᱦᱟ ᱤᱫᱤᱜᱼᱟ ᱾ ᱢᱮᱱᱠᱷᱟᱱ ᱤᱱᱟᱹ ᱚᱠᱛᱚ ᱫᱚ ᱠᱮᱴᱮᱡ ᱥᱤᱛᱩᱝ ᱫᱚ ᱵᱟᱭ ᱵᱩᱡᱷᱟᱹᱣᱜᱼᱟ᱾ ᱦᱟᱣᱮᱫ ᱨᱤᱛᱩ ᱨᱮ ᱟᱹᱰᱤ ᱱᱟᱣᱟ ᱱᱟᱣᱟ ᱛᱟᱥᱟᱫ ᱠᱚ ᱟᱨ ᱟᱹᱰᱤ ᱞᱮᱠᱟᱱ ᱩᱛᱩ ᱞᱮᱠᱟᱱ ᱠᱤᱨᱥᱤ ᱠᱚ ᱦᱩᱭᱩᱜᱼᱟ ᱾ ᱱᱤᱭᱟᱹ ᱚᱠᱛᱚ ᱨᱮᱜᱮ ᱯᱟᱲ ᱠᱚᱨᱮ ᱨᱚᱦᱚᱭ ᱠᱚᱠᱚ ᱮᱛᱚᱦᱚᱵᱟ ᱟᱨ ᱱᱚᱛᱮ ᱦᱳᱲᱳ ᱤᱨᱩᱜ ᱦᱚᱹ ᱮᱛᱚᱦᱚᱵᱚᱜᱼᱟ ᱾

ᱯᱟᱨᱟᱵᱽ ᱯᱩᱱᱟᱹᱭ : ᱦᱟᱣᱮᱫ ᱨᱤᱛᱩ ᱨᱮᱜᱮ ᱥᱟᱱᱛᱟᱲ ᱠᱚᱣᱟ ᱫᱚ ᱥᱚᱦᱨᱟᱭ ᱯᱟᱨᱟᱵᱽ ᱦᱩᱭᱩᱜᱼᱟ᱾ ᱰᱟᱺᱜᱽᱨᱤ ᱠᱟᱰᱟ ᱠᱚ ᱡᱚᱛᱚᱱ ᱠᱚᱣᱟ ᱥᱟᱶᱛᱮ ᱩᱱᱠᱩ ᱥᱟᱞᱟᱜ ᱠᱚ ᱮᱱᱮᱡ ᱥᱮᱨᱮᱧᱟ᱾ ᱱᱟᱶᱟ ᱦᱳᱲᱳ ᱧᱟᱢ ᱠᱟᱛᱮ ᱡᱚᱛᱚ ᱦᱚᱲ ᱨᱟᱹᱥᱠᱟᱹ ᱜᱮᱠᱚ ᱟᱹᱭᱠᱟᱹᱣᱼᱟ ᱾

᱒᱒ ᱜᱟᱱᱟᱝ ᱟᱨ ᱪᱤᱴᱷᱤ ᱥᱟᱠᱟᱢ