༄༅། །དྲུང་དུ་ཕུལ་ཞིང༌། དེའི་དོན་བསྡུས་ཀྱི་བསྟན་བཅོས་ཆུང་ངུ་ཞིག་ཀྱང་ཡོད་པར་སྣང་ཡང་བསྟན་བཅོས་དེ་མ་རྙེད། ཞབས་རྗེས་དེ་ལ་འདི་བས་རི་མོ་མང་བ་བརྒྱ་རྩ་བརྒྱད་ཀྱི་ཚོད་དང་ལྷ་གནས་ཕལ་ཆེར་དང་ཤང་ཤང་ ལ་མིའམ་ཅི་ཞེས་དང་བྱ་མགོ་དཀར་ཞིག་ལ་ཤང་ཤང་ཏེའུ་ཞེས་ཡི་གེ་བཏབ་ཅིང༌། གྲོང་ཁྱེར་མང་པོ་དང་ཞབས་སོར་གྱི་ནེ་ལེའི་ཚབ་ཏུའང་དུང་གི་རིགས་ཐ་དད་པ་དུ་མ་རེ་ཡོད་ཅིང༌། ཞབས་ཕན་ཚུན་ལ་རི་མོ་མི་གཅིག་པའང་མང་དུ་སྣང་ངོ༌། ། དེའི་རྒྱུ་སྡོམས་པ་བྱེ་བ་ཁྲག་ཁྲིག་བརྒྱ་སྟོང་དུ་མས་མཚན་བཟང་པོ་གཅིགདེ་ལྟར་སོ་གཉིས། རྒྱུ་དེ་རྣམས་གྲངས་མེད་བསམ་གྱིས་མི་ཁྱབ་པར་བསྒྱུར་བས་གསུང་ཆོས་ཀྱི་དུང་འགྲུབ་པར་གསུངས་སོ། །སྟོབས་ཀྱི་ཁྱད་པར་ནི། ཐུན་མོང་གི་མདོ་ལྟར་ན། མི་དང༌། གླང་ཕལ་པ་དང༌། ཁྱུ་མཆོག་དང༌། བལ་གླང་མོ་དང༌། གླང་པོ་ཆེ་དང༌། སྤོས་ཀྱི་གླང་པོ་ཆེ་དང༌། ཚན་པོ་ཆེ་དང༌། རབ་གནོན་དང༌། སྲེད་མེད་ཀྱི་བུ་རྣམས་རེ་རེ་ཞིང་སྔ་མ་བཅུའི་སྟོབས་ཕྱི་མ་གཅིག་ལ་ཡོད་ལ། དེ་བཞིན་ གཤེགས་པའི་ཚིགས་རེ་ལ་སྲེད་མེད་ཀྱི་བུའི་སྟོབས་རེ་མངའ་བར་འཆད་ལ། ཐེག་ཆེན་ཐུན་མོང་མ་ཡིན་པའི་ལུགས་ཀྱིས། མི་དང༌། གླང་དང༌། གླང་སྔོན་པོ་དང༌། གླང་པོ་ཆེ་ཕལ་པ་དང༌། གླང་པོ་ཆེ་འཇིགས་སུ་རུང་བ་དང༌། གླང་པོ་ ཆེ་མོ་འདྲ་བ་དང༌། དགོན་པའི་གླང་པོ་ཆེ་དང༌། རི་འབིགས་བྱེད་ཀྱི་གླང་པོ་ཆེ་དང༌། གླང་པོ་ཆེ་མཚོན་ཆའི་སྡེར་མོ་ཅན་དང༌། གླང་པོ་ཆེ་གཤོལ་མདའ་འཛིན་དང༌། གླང་པོ་ཆེ་ཏིང་ཟིལ་མདོག་དང༌། གླང་པོ་ཆེ་གེལ་པ་དང༌། གླང་པོ་ཆེ་སྔོན་པོ་དང༌། སེར་པོ་ དང༌། དམར་པོ་དང༌། སྐྱ་བོ་དང༌། ཀུ་མུ་དའི་མདོག་དང༌། པདྨ་དཀར་པོའི་མདོག་དང༌། སྤོས་ཀྱི་གླང་པོ་ཆེ་དང༌། སྤོས་གླང་ཆེན་པོ་དང༌། སེང་གེ་རལ་པ་ཅན་ཐབས་ཅན་དང༌། ཚན་པོ་ཆེ་དང༌། ཚན་པོ་ཆེ་ཆེན་པོ་དང༌། དེ་བཞིན་དུ་སྟོབས་མཆོག་རབ་གནོན་དག་
