༄༅། །པས་སེལ་ལ། ཁྱད་པར་བྱིང་རྒོད་ནི་གནས་ཧ་ཅང་གྲང་བ་དང་མཐོ་བ་དུས་དགུན་ཟས་ཉུང་ཞིང་མི་བཅུད་པ་གྲོགས་རླུང་ཁམས་པ་སྨྲ་བ་མང་པོ་ཅན་དང་ཡུལ་ལ་རྟག་ཏུ་སེམ་པ་སོགས་རྒོད་པའི་རྒྱུ་དང༌། དེ་ལས་ ལྡོག་སྟེ་གནས་དྲོ་ཆེས་པ་སོགས་བྱིང་བའི་རྒྱུ་དེ་དག་སྤངས་པས་སེལ་ལ་ཧ་ཅང་རྩོལ་ཆེས་པས་བྱུང་བའི་བྱིང་རྒོད་ནི་བཏང་སྙོམས་སུ་བྱ་བ་གློད་པའི་མན་ངག་གིས་སེལ་ལོ། །གནོད་སེམས་ཀྱི་གཉེན་པོར་བྱམས་པ་དང་འདོད་ འདུན་གྱི་གཉེན་པོར་མི་རྟག་པ་དང་མི་སྡུག་པ་སྒོམ་ལ། འགྱོད་པ་དང་ཐེ་ཚོམ་ནི་དང་དུ་མི་ལེན་ཞིང་རྗེས་སུ་མི་འབྲེང་བས་སེལ་ལ། སྤྱིར་དགེ་བའི་བཤེས་གཉེན་གྱི་དུས་སུ་ཐབས་མཁས་པས་བསལ་དགོས་ཏེ། མདོ་ལས། དགེ་སློང་མང་ཞིག་ སྔོན་བྱས་པའི་སྡིག་པས་འགྱོད་དེ་རྩེ་གཅིག་པར་མ་གྱུར་པའི་ཚེ་འཇམ་དཔལ་གྱིས་རལ་གྲི་ཐོགས་ཏེ་སྟོན་པའི་སྟེང་དུ་བརྒྱུགས་པས་སྟོན་པས་ང་ནི་བསད་ཟིན་གྱིས་ཐོང་ཞིག་ཅེས་བཀའ་བསྩལ་པ་ན་དེ་རྣམས་འཇམ་དཔལ་ཡང་འདི་ ལྟར་བྱེད་པ་ལས་ན་ལས་འབྲས་རང་བཞིན་མེད་པ་ལྟ་ཞིག་ཅེས་འགྱོད་པ་དང་བྲལ་ཏེ་ཆོས་ཉིད་མཐོང་བར་གསུངས་ལ་འདི་ལ་མཚོན་ཆ་ཐོགས་པའི་ཆོས་ཀྱི་རྣམ་གྲངས། ཞེས་གསུངས་པ་ལྟ་བུ་སྟེ། སྤྱིར་ཐེག་ཆེན་ནི་དགེ་བའི་བཤེས་ གཉེན་ལ་རག་ལས་སོ། །དེས་ན་འདོད་འདུན་ནི་གོང་དུ་རྒྱས་པར་ཟློག་ཟིན་ཞིང་འདིར་གཉིད་རྨུགས་ཀྱིས་མཚོན་ནས་སྒྲིབ་པ་ལྔ་ཟློག་བྱར་བསྟན་ལ། སྤྱིར་ཐེ་ཚོམ་ནི་གཙོ་བོར་ཤེས་རབ་ཀྱིས་སེལ་ལོ། །དེས་ན་མཁས་པ་རྒྱལ་བའི་སྲས་ ཐུགས་རྗེའི་དབང་ཕྱུག་ཆེན་པོ་དེ་རྣམས་ལུས་སྲོག་དང་རང་གི་ཞི་བ་ལ་མི་གཟིགས་པར་བྱང་ཆུབ་སེམས་དཔའི་སྤྱད་པ་སྤྱོད་པ་ལྟར་བདག་གིས་ཀྱང་རང་གིས་རང་ལ་རིགས་པའི་སྲན་བཙུགས་ཏེ་ཉིན་མཚན་ཕྱད་པར་མ་འབད་ན་སྡུག་བསྔལ་གྱི་
