༄༅། །སོགས་དང་བྲལ་ཞིང་མཐུན་རྐྱེན་འབྱོར་པ་བཅུ་སོགས་ཚང་བའི་དལ་འབྱོར་གྱི་རྟེན་ཕུན་སུམ་ཚོགས་པ་རྙེད་དཀའ་ཞིང་རྙེད་ན་དོན་ཆེ་བ་འདི་ཉིད་ནི་སྔོན་གྱི་ལས་ངན་གྱི་སྟོབས་ཀྱིས་མནར་བས་ད་ལྟ་ལས་འབྲས་ཀྱི་བླང་དོར་ལ་ རྨོངས་ཤིང་འདོད་པའི་ཡོན་ཏན་ལ་ཆགས་ནས་སྡིག་པ་ལ་འཛེམས་མེད་དུ་སྤྱོད་པ་རྣམས་ཀྱིས་བཅོམ་ཞིང་བརླག་སྟེ་དོན་མེད་དུ་མི་ལུས་ཆུད་གསོན་པར་བྱེད་པའི་ཉེས་དམིགས་དེ་དག་ལ་བསམས་ནས་རང་ཅག་གིས་དལ་འབྱོར་གྱི་རྟེན་ལ་སྙིང་པོ་ལེན་ པ་ལ་འབད་དགོས་ཏེ་ཚེ་འདིའི་སྡུག་བསྔལ་སེལ་བ་དང་བདེ་བ་སྒྲུབ་པ་ཙམ་ལ་མི་བས་དུད་འགྲོ་སྟོབས་ཆེ་བར་གསུངས་པས་དེ་ཙམ་གྱི་ཆེད་དུ་འབད་ནས་སྡིག་པ་ལ་བག་མེད་དུ་སྤྱོད་ནས་མི་ལུས་ཐོབ་པ་དོན་མེད་དུ་ཆུད་ཟོས་སུ་གཏོང་བ་རྣམ་པ་ཀུན་ཏུ་མི་ རིགས་པའི་ཕྱིར་རོ། །མནོག་ཆུང་ལ་ཉེན་ཆེ་བའི་དཔེ་སྔ་མ་དང་མཚུངས་པར་སློབ་སྤྲིང་ལས་ཀྱང་། ཇི་ལྟར་གླང་བུ་ཁྲོན་ཟབ་ཁ་ནས་འཁྲུངས་པ་ཡི། །རྩྭ་ལོ་ཁམ་འགའ་ཙམ་ལ་ཡིད་ནི་ཆགས་གྱུར་པ། །རྙེད་པ་གྲུབ་པ་མེད་པར་གཡང་དུ་ལྷུང་བ་ལྟར། ། འཚོ་བའི་འཇིག་རྟེན་བདེ་ལྡན་འདོད་པའང་དེ་དང་འདྲ། ཞེས་གསུངས་ལ། དེ་བཞིན་དུ་མདོ་སྡེ་འཛངས་བླུན་ལས། སྔོན་བྲམ་ཟེ་རྣམས་ལ་ཟླ་བ་གསུམ་བཞིའི་རིང་ལ་དུས་སྟོན་བཟང་པོ་ཡོད་ལ། དེར་ཡོད་པའི་རྟགས་སུ་བྲམ་ཟེ་ཞིག་གི་ལག་ པ་ལ་ཀེའུ་ལའི་རྒྱས་བཏཾབ་པ་ལ་བྲམ་ཟེ་ཡོན་ཏན་ལྡན་པ་ཡིན་ཡང་སྲེད་པ་ཆེ་བས་སྦྲང་རྩིའི་རོ་ལ་ཆགས་ནས་རྒྱ་དེ་ལྕེས་བལྡགས། དུས་སྟོན་ལ་འགྲོ་དུས་རྒྱ་སྟོན་རྒྱུ་མེད་པས་སྒོ་སྲུང་གིས་མ་བཏང་བར་དུས་སྟོན་ཤོར་བར་གསུངས་པ་བཞིན་དུ་
