༄༅། །བསད་དེ་གཞན་གྱི་ཆུང་མའམ་རྒྱལ་པོའི་བཙུན་མོ་སོགས་ཀྱི་སར་འགྲོ་བ་ལྟ་བུ་ཕ་རོལ་གྱིས་ཚོར་ན་གསོད་པར་འགྱུར་བའི་འཇིགས་པ་ཆེན་པོ་འབྱུང་བའི་རྒྱུ་ལ་ཡང་བདག་ལྷག་པར་ཆགས་པའི་དབངགིས་དགའ་བ་བསྐྱེད་ནས་ ཞུགས་ཤིང་བུད་མེད་དེའི་རིན་ནམ་དེའི་གོས་དང་རྒྱན་སོགས་ཀྱི་ཆེད་དུ་ནོར་རྫས་རྣམས་ཀྱང་ཡོངས་སུ་ཟད་པར་བྱས་གྱུར་ཏེ། ཆགས་ཡུལ་བུད་མེད་ཀྱི་ལུས་གང་ལ་ཡོངས་སུ་འཁྱུད་པས་ན་མཆོག་ཏུ་དགའ་བར་འགྱུར་བའི་རོའམ་རེག་བྱ་ཉམས་སུ་མྱོང་བར་ རློམ་པའི་ཡུལ་དེ་དག་ཉིད་ལ་ནི་ ཞིབ་ཏུ་བརྟགས་པ་ན་འདི་ཕྱིའི་འཇིགས་པ་དང་ནོར་རྫས་ཟད་པའི་ཉེན་ལ་བདོ་མི་དགོས་པའི་རུས་གཟེབ་རྒྱུས་པས་སྦྲེལ་བའི་ཀེང་རུས་ཀྱི་ཕུང་པོ་དུར་ཁྲོད་དུ་བོར་བའི་ཀེང་རུས་དང་ཁྱད་པར་མེད་པ་ཉིད་ཡིན་གྱི་དེ་འདྲའི་ཉེན་ལ་བདོ་ དགོས་པའི་གཙང་ཞིང་གྱ་ནོམ་པའི་དངོས་པོ་ཡིད་དུ་འོང་བ་གཞན་མིན་ན། རང་ལ་གཏན་དུ་དབང་བའི་ཆུང་མ་དང་ནི་བདགལ་དབང་བ་མིན་པའི་གཞན་གྱི་བུད་མེད་ལ་ཞེས་བཤད་༌་པའམ། རང་ལ་དབང་བ་དང་ནི་རང་གིས་བདག་གི་བར་བཟུང་བ་གང་ཡང་ མིན་པའི་གཞན་གྱི་བུད་མེད་སོགས་ཀེང་རུས་ཀྱི་ཕུངཔོ་རོ་མྱང་བར་བྱ་བའི་འབྲས་བུ་ཅི་ཡང་མེད་པ་ལ་ཡིད་ཁྱོད་ཀྱིས་དང་པོ་རབ་ཏུ་འདོད་ཅིང་ཕྱིས་ཡོངས་སུ་ཞེན་ནས་ཅིའི་ཕྱིར་མྱ་ངན་ལས་འདས་པར་མི་འགྲོ་ཞེས་པའམ་མྱ་ངན་ལས་འདས་པ་འཐོབ་བྱེད་ཀྱི་ ལམ་ཚོལ་དུ་མི་འགྲོ་ཞེས་ཆགས་ཅན་ངན་པ་རང་ལ་འདྲི་བའི་ཚུལ་གྱིས་སྨད་པ་སྟེ་བུད་མེད་སོགས་འདོད་པའི་ཡུལ་ལ་ཆགས་ཤིང་ཞེས་ནས་དེའི་དོན་དུ་འབད་པར་བྱས་པས་ནི་ཐར་བ་མྱང་འདས་འཐོབ་པའི་བར་གཅོད་བྱེད་པས་དེ་འཐོབ་མི་སྲིད་པ་བསྟན་
