༄༅། །རང་དབང་དུ་ལོངས་སྤྱོད་པའི་ཆེད་དུ་བདག་ཅག་ནི་འབྱུང་བའམ་སྐྱེ་བར་བྱའོ་སྙམ་དུ་བློ་སྔོན་དུ་བཏང་ནས་ཆེད་དུ་བསམ་ཤིང་རང་དབང་དུ་འབྱུང་བ་མེད་པའི་ཕྱིར་ཏེ། དེ་དག་རང་རང་མ་སྐྱེས་པའི་ཕྱིར། དཔེར་ན། མོ་གཤམ་གྱི་བུ་བཞིན་ནོ། །ཁྱབ་ སྟེ། མ་སྐྱེས་པར་ནི་དེ་དག་རང་རང་གི་ངོ་བོར་གཏན་ནས་གྲུབ་པ་མེད་དགོས་པའི་ཕྱིར་ན་མེད་པས་ཁྱབ་ལ། མེད་ན་བྱ་བ་བྱེད་པའི་ཆེད་དུ་འབྱུང་བ་མེད་པས་ཁྱབ་པའི་ཕྱིར་རོ། །མ་སྐྱེས་པའི་ཕྱིར་ཞེས་པའི་རྟགས་གྲུབ་སྟེ་གཙོ་བོ་དང་བདག་དེ་དག་རྟག་པ་དང་རང་ དབང་ཅན་དུ་ཁས་བླངས་པ་གང་ཞིག་སྐྱེས་ན་མི་རྟག་པ་དང་རྒྱུ་རྐྱེན་གྱི་གཞན་དབང་ཅན་དུ་འགྱུར་དགོས་པས་སོ། །དེ་ལྟར་མོ་གཤམ་གྱི་བུ་བཞིན་དུ་རང་ཉིད་མ་སྐྱེས་ཤིང་རང་གི་ངོ་བོར་ གྲུབ་པ་གཏན་ནས་མེད་པར་གྱུར་ན། དེ་ཡི་ཚེ་དེ་གཉིས་རྟག་གཅིག་རང་དབང་ཅན་གྱི་ངོ་བོར་སྐྱེ་བའམ་འབྱུང་བར་འདོད་པ་དང་རང་རང་གི་བྱ་བ་བྱེད་པ་འདོད་པའང་གང་ཞིག་ཡིན་ཏེ་རྟག་པ་དང་རང་དབང་ཅན་ཡིན་ན་སྐྱེ་བར་འགལ་ལ་རྣམ་འགྱུར་སྐྱེད་པ་དང་ ཡུལ་ལ་སྤྱོད་པ་སོགས་ཀྱི་བྱ་བ་བྱེད་པར་ཡང་འགལ་བས་དེ་འདྲ་གཏན་ནས་མི་སྲིད་པའི་ཕྱིར་ཞེས་གཙོ་བོ་དང་བདག་གཉིས་རང་དབང་ཅན་འདོད་པ་ཐུན་མོང་དུ་འགོག་ཚུལ་ལོ། །བདག་རྟག་པ་བྱེ་བྲག་ཏུ་འགོག་པ་ནི། གོང་དུ་སྨོས་པ་ལྟར་གྱི་བདག་ཤེས་ རིག་གི་སྐྱེས་བུ་རྟག་པ་དེས་ནི་གཙོ་བོས་གཏད་པའི་ཡུལ་ལ་རྟག་ཏུ་རང་དབང་དུ་ལོངས་སྤྱོད་པར་བྱེད དོ་ཞེས་འདོད་པའང་མི་འཐད་དེ་དེ་ལྟར་བདག་དེ་རྟག་པའང་ཡིན་ལ་ཡུལ་ལ་རང་དབང་དུ་ལོངས་སྤྱོད་པར་བྱེད་པའང་ཡིན་ན། དེ་འདྲའི་བདག་དེ་ཡུལ་
