པ་ལ་འབད་དགོས་སོ། །ཁོང་ཁྲོས་གཞོམ་བྱའི་དགེ་རྩ་ནི། ཁ་ཅིག་བསོད་ནམས་ཆ་མཐུན་གྱི་དགེ་བ་ཞེས་བཞེད་ལ། ཡང་སྦྱིན་པ་དང་ཚུལ་ཁྲིམས་བྱུང་བའི་དགེ་རྩ་ཡིན་གྱི་བསྒོམ་བྱུང་མིན་ཏེ། འདིར་གཞི་གསུམ་གྱི་ནང་ནས་སྦྱིན་པ་དང་ཚུལ་ ཁྲིམས་ལས་བྱུང་བ་གཉིས་སྨོས་བསྒོམ་བྱུང་མ་སྨོས་ཤིང་། དབུ་མ་ལ་འཇུག་པར་ཡང་། སྦྱིན་དང་ཁྲིམས་བྱུང་ཞེས་སྨོས་པས་སོ་ཞེས་ཁ་ཅིག་བཞེད་ལ། འགའ་ཞིག་ཏུ་བསྒོམ་བྱུང་ཡང་འཛོམས་པར་གསུངས་ཏེ། དེ་ནི་བསྒོམ་བྱུང་གི་དགེ་རྩ་ཡང་བསོད་ ནམས་ཀྱི་ཚོགས་སུ་གཏོགས་པ་འཇོམས་པ་ཡོད་པ་ལ་དགོངས་སོ། །མདོར་ན་གཞོམ་བྱའི་དགེ་བ་ནི་བསོད་ནམས་ཀྱི་ཚོགས་ཀྱིས་བསྡུས་པ་ཡིན་གྱི་ཡེ་ཤེས་ཀྱི་ཚོགས་སུ་གཏོགས་པ་མིན་པར་གསུངས་ཏེ། དེའང་གཞོམ་བྱའི་དགེ་བ་ཚོགས་གཉིས་གང་ དུ་ངོས་བཟུང་བ་ཙམ་ཡིན་གྱི་བསོད་ནམས་ཀྱི་ཚོགས་ཡིན་ཚད་གཞོམ་བྱར་བསྟན་པ་ལྟ་བུ་མིན་ནོ། །འོ་ན་བློ་གྲོས་མི་ཟད་པས་བསྟན་པར་ཆུ་ཐིགས་རྒྱ་མཚོར་ལྟུང་བའི་དཔེས་བྱང་ཆུབ་ཏུ་བསྔོས་པའི་དགེ་རྩ་བྱང་ཆུབ་མ་ཐོབ་བར་མི་འཛད་པར་གསུངས་པ་དང་། སྡོང་བོ་བཀོད་པའི་མདོར། གསེར་འགྱུར་གྱི་རྩིའི་དཔེས་ཐེག་ཆེན་སེམས་བསྐྱེད་ཀྱིས་ལས་ཉོན་ཟད་པར་བྱེད་ནུས་ཀྱང་ལས་ཉོན་གྱིས་སེམས་བསྐྱེད་ཀྱིས་ཟིན་པའི་དགེ་རྩའི་ས་བོན་འཇོམས་མི་ནུས་པའི་ཚུལ་སྔར་བཤད་ཟིན་ལྟར་གྱི་བྱང་ཆུབ་སེམས་བསྐྱེད་ ཀྱིས་ཟིན་པའི་དགེ་རྩ་ཁོང་ཁྲོས་འཇོམས་མི་ནུས་སོ་སྙམ་ན། འདིར་བྱང་སེམས་སོ་སྐྱེའི་རྒྱུད་ཀྱི་དགེ་རྩ་ཁོང་ཁྲོས་འཇོམས་པ་ཡོད་པར་གསུངས་པས་དེ་དག་ཁོང་ཁྲོས་འཇོམས་མི་ནུས་པར་འདོད་མི་རིགས་སོ། །འོ་ན་དེ་སྐད་གསུངས་པ་ཅི་ཡིན་
