༄༅། །བར་གནས་པ་དང་། བསྐལ་པ་གཅིག་ལ་གཞི་ནས་ལམ་ལ་སློབ་དགོས་ཏེ། སྡུད་པ་ལས། ལུང་བསྟན་མ་ཐོབ་བྱང་ཆུབ་སེམས་དཔའ་གང་ཞིག་གིས། །ལུང་བསྟན་ཐོབ་ལ་སེམས་ཁྲོས་རྩོད་པ་རྩོམ་བྱེད་ན། །ཐ་བ་སྐྱོན་ལྡན་ སེམས་ཀྱི་སྐད་ཅིག་ཇི་སྙེད་པ། །དེ་སྙེད་བསྐལ་པར་གཞི་ནས་གོ་ཆ་བགོ་དགོས་སོ། །ཞེས་གསུངས། མི་དགེ་བ་གཞན་བྱས་པས་བྱང་སེམས་དམྱལ་བར་སྐྱེ་མི་ཐུབ་སྐྱེས་ཀྱང་མྱུར་དུ་ཐར་པ་ཡིན་ན་འདིས་སེམས་ཀྱི་གྲངས་ལྟར་བསྐལ་པའི་བར་དུ་དམྱལྲ བར་གནས་པ་དང་དེ་སྙེད་ཀྱི་ལམ་ལ་གཞི་ནས་སློབ་དགོས་པར་གསུངས་པས་དགེ་རྩ་བཅོམ་པ་ཆེན་པོ་ཡིན་པར་གསུངས་སོ། །གཞི་ནས་གོ་ཆ་བགོ་དགོས་པའི་དོན་ནི། དཔེར་ན། བྱང་སེམས་ཀྱི་ཚོགས་ལམ་ཆེན་པོ་ཐོབ་ནས་མྱུར་དུ་སྦྱོར་ལམ་དུ་འཕོ་ཐུབ་པ་ཞིག་ གིས་ལུང་བསྟན་ཐོབ་པའི་བྱང་སེམས་ལ་ཁྲོས་ན་ཁྲོ་སེམས་ཀྱི་གྲངས་དེ་སྙེད་ཀྱི་བསྐལ་པར་སྦྱོར་ལམ་དུ་འཕོ་མི་ཐུབ་པར་ལམ་ལ་གཞི་ནས་སློབ་དགོས་པ་ལྟ་བུ་ཡིན་པར་བཤད་དོ། །ལུང་བསྟན་མ་ཐོབ་པས་མ་ཐོབ་པ་ལ་ཁྲོས་ན་དམྱལ་བར་གནས་ཚུལ་སྔ་མ་ དང་འདྲ་ཞིང་ལམ་ལ་གཞི་ནས་སློབ་མི་དགོས་པར་གསུངས་ཏེ་ལུང་བསྟན་མ་ཐོབ་པའི་བྱང་སེམས་ཆུང་ངུ་ཞིག་གིས་དེ་མ་ཐོབ་པའི་བྱང་སེམས་ཆེན་པོ་ལ་ཁྲོས་པའི་དབང་དུ་བྱས་པའོ། །བྱང་སེམས་ནང་ཕན་ཚུན་སྟོབས་མཉམ་པ་ལ་ཁྲོས་ན་བསྐལ་པ་དུ་ མའི་བར་དུ་བསགས་པའི་དགེ་རྩ་འཇོམས་པ་དང་ངན་སེམས་ཀྱི་གྲངས་བཞིན་དམྱལ་བར་གནས་དགོས་ཏེ། གཞུང་འདིར། གང་ཞིག་དེ་འདྲའི་རྒྱལ་སྲས་སྦྱིན་བདག་ལ། །ཞེས་སོགས་གསུངས་པ་ལྟར་ཡིན་ལ། འདིའང་གཞི་ནས་གོ་ཆ་བགོ་མི་དགོས་
