༄༅། །པར་གསུངས་སོ། །ཡང་སེམས་ཅན་ཁོ་རང་ལ་བསྔོས་ཟིན་པའི་ཟས་གོས་སོགས་ལ་ལོངས་སྤྱད་ནས་སེམས་ཅན་ཁོ་རང་རྣམས་ཀྱི་དོན་བྱའོ་སྙམ་དུ་བསམ་ནས་སྤྱོད་ན་ཉོན་མོངས་ཅན་ཡིན་མིན་གྱི་ལྟུང་བ་གང་དུའང་མི་འགྱུར་བར་ཉེས་མེད་ དུ་འགྲོ་བ་དང་། བསམ་པ་དེ་ལྟ་བུ་དང་ལྡན་ན་སེམས་ཅན་ལ་བསྔོས་ཟིན་པའི་ཡོ་བྱད་དེས་མ་གནང་བར་སྤྱོད་ཀྱང་ཉེས་པ་མེད་པ་དང་། དངོས་སུ་སེམས་ཅན་ལ་མི་སྟེར་ན་བློས་བཏང་བ་དེ་བརྫུན་དུ་སྣང་ངོ་སྙམ་དུ་མ་དད་པར་བྱ་མི་རིགས་པའི་ཚུལ་རྣམས་ཀྱང་བསླབ་བཏུས་ ལས་གསུངས་པས་དེ་ལས་ཤེས་པར་བྱའོ། །ལུས་གཏོང་བ་དང་མི་གཏོང་བའི་ཚུལ་ནི། དམ་པ་བྱང་ཆུབ་སེམས་དཔའི་ཆོས་སམ་རང་གཞན་གྱི་དོན་དུ་འཇིག་རྟེན་དང་འཇིག་རྟེན་ལས་འདས་པའི་ཕན་བདེ་རྒྱུ་ཆེན་པོ་སྒྲུབ་བྱེད་ཡིན་པས་དམ་པའང་ཡིན་ལ་ཆོས་ཀྱང་ ཡིན་པའི་དམ་པའི་ཆོས་ནི་ཚུལ་བཞིན་དུ་སྤྱོད་ཅིང་ཉམས་སུ་ལེན་པའི་རྟེན་དུ་གྱུར་པའི་བྱང་སེམས་ཀྱི་ལུས་ནི་རེ་ཞིག་གཞན་ལ་ཕན་པ་ཆུང་དུ་དང་དགོས་པའི་དོན་ཕྲན་ཚེགས་ཤ་ཟ་ཚད་ཁྲག་འཐུང་ཚད་ཀྱི་ཆེད་དུ་གཏོང་བ་ལྟ་བུའི་གནོད་པའི་སྡུག་བསྔལ་གྱིས་གཟིར་བ་དང་། གོང་དུ་ཟས་གོས་སོགས་ལ་སྤྱོད་ཚུལ་བསྟན་པ་ལྟར་མི་བྱེད་ཅིང་བཟའ་བཏུང་མི་བསྟེན་པར་བཀྲེས་སྐོམ་ལ་སྦྱོར་བ་དང་གོས་མི་བགོ་བར་ཚ་གྲང་གི་རེག་པས་ཉེན་དུ་འཇུག་པ་སོགས་དོན་མེད་པར་གནོད་པས་གདུངས་ཤིང་གཟིར་བ་སོགས་མི་བྱ་སྟེ་བྱས་ན་རང་གཞན་ གྱི་དོན་ཆེན་པོ་ལས་ཉམས་པར་འགྱུར་བས་ན་གཅེས་སྤྲས་ཀྱིས་བསྲུང་བར་བྱ་དགོས་ལ། དེ་ལྟར་བསོད་ནམས་ཀྱི་འབྱུང་ཁུངས་སུ་གྱུར་པའི་བྱང་སེམས་ཀྱི་ལུས་ཉིད་ལ་དགོས་པ་ཕྲན་ཚེགས་ཀྱི་ཆེད་དུ་གནོད་པ་མི་བྱ་བར་སྨན་གྱི་ལྗོན་ཤིང་གི་མྱུ་གུ་བཞིན་དུ་བསྲུང་བར་
