༄༅། །དགོས་པ་དང་ཟས་དེས་ནད་ཀྱི་རིགས་དུ་མ་སྐྱེད་པར་སེམས་པའོ། །གསུམ་པ་ཟས་ཚོལ་བ་ལས་གྱུར་པའི་ཉེས་དམིགས་ལ་ལྔ་ལས། བསྒྲུབས་པ་ལས་བྱུང་བའི་ཉེས་པ་ནི། ཟས་དང་ཟས་ཀྱི་རྒྱུའི་དོན་དུ་དཀའ་ཚེགས་དུ་མ་བྱས་ ནས་སྒྲུབ་པའི་དུས་མ་གྲུབ་ན་མྱ་ངན་དང་གྲུབ་ནའང་བརླགས་ཀྱིས་དོགས་ནས་བསྲུང་དགོས་པས་སྡུག་བསྔལ་བའོ། །མཛའ་བ་ཉམས་པའི་ཉེས་པ་ནི། ཟས་ཀྱི་ཕྱིར་ཕ་དང་བུ་སོགས་ཀྱང་ཕན་ཚུན་འཐབ་རྩོད་འབྱུང་བའོད། ངོམས་མི་ཤེས་པའི་ཉེས་པ་ནི། ཟས་ལ་སྲེད་པ་ཇེ་ཆེར་སོང་ནས་རྒྱལ་པོ་སོགས་གཡུལ་འགྱེད་ཅིང་ཕན་ཚུན་སྡུག་བསྔལ་མྱོང་བའོ། །རང་དབང་ཉམས་པའི་ཉེས་པ་ནི། བྲན་སོགས་གཞན་གྱི་ཟས་ཟ་བ་རྣམས་རྗེ་བོའི་དོན་དུ་གཞན་དང་འཐབ་རྩོད་བྱེད་པ་ན་སྡུག་བསྔལ་དུ་མ་མྱོང་བའོ། ། ཉེས་པར་སྤྱད་པ་ལས་བྱུང་བའི་ཉེས་པ་ནི། ཟས་དང་ཟས་ཀྱི་ཕྱིར་སྡིག་པ་དུ་མ་བསགས་པས་འཆི་ཁ་དེ་དྲན་ནས་འགྱོད་བཞིན་དུ་འཆི་ཞིང་ཤི་ནས་ཀྱང་ངན་འགྲོར་འགྲོ་བ་བསམ་པའོ། །དེ་ལྟར་ནའང་ཟས་ལ་བརྟེན་ནས་ལུས་གནས་པའི་དགོས་པ་ཡོད་ལ་ དེ་ཙམ་གྱི་དོན་དུའང་ཟས་བསྟེན་པར་མི་རིགས་པས་ལུས་གནས་པ་ལ་བསྟེན་ནས་བདག་གིས་ཚངས་སྤྱོད་ཡང་དག་སྒྲུབ་སྙམ་པ་དང་སྦྱིན་བདག་གིས་ཤ་ཁྲག་པགས་པ་བཙིར་ཏེ་འབྲས་བུ་ཆེན་པོ་འདོད་ནས་བྱིན་པ་དེའང་དོན་དང་འབྲས་བུ་ཆེན་པོ་ཡོད་པར་ འགྱུར་བ་ཉིད་དུ་བྱའོ་སྙམ་དུ་བསམས་ནས་ལོངས་སྤྱོད་དགོས་པར་འཕགས་པ་ཐོགས་མེད་ཀྱིས་གསུངས་སོ། །ཟས་ལ་སྤྱོད་ཚུལ་བཤེས་སྤྲིངས་ལས་ཀྱང་། ཁ་ཟས་སྨན་དང་འདྲ་བར་རིགས་པ་ཡིས། །འདོད་ཆགས་ཞེ་སྡང་མེད་པར་བསྟེན་བགྱི་
