ཡིན་ལ། དེ་གཉིས་འདིར་དངོས་སུ་མ་བསྟན་ཀྱང་གོང་དུ། བདག་དང་སྐལ་བ་མཉམ་པ་ཞེས་པའི་སྐད་དོད་ལ་ཁམས་མཉམ་པ་ཡོད་ཅིང་ཁམས་ནི་རིགས་ཡིན་པས་དེས་མཚོན་པར་བུ་སྟོན་གསུངས་ལ། དེ་ལྟ་བུའི་ཐེག་ཆེན་གྱི་རིགས་དང་ལྡན་པའི་གང་ཟག་གི་ ལུས་རྟེན་ཁྱད་པར་ཅན་འདིས་བསྟན་ལ། སེམས་རྟེན་ཁྱད་པར་ཅན་ཚིགས་བཅད་འོག་མས་སྟོན་པ་ཡིན་ཕྱིར་ཚིགས་བཅད་འདི་གཉིས་ཀྱིས་བྱང་ཆུབ་སེམས་ཀྱི་རྟེན་སྟོན་པར་བཤད་པ་ཤིན་ཏུ་རིགས་པར་གསུངས་སོ། །
གཉིས་པ་སེམས་རྟེན་ནི། ཇི་ལྟར་མཚན་མོ་ སོགས་ཏེ། དཔེ་ཇི་ལྟར་ན་ཉི་འོད་ཀྱི་སྣང་བ་ནུབ་པའི་མཚན་མོ་ཟླ་འོད་ཙམ་ཡང་མེད་པའི་མུན་ནགདབྱར་དུས་ཀྱི་ཆར་སྤྲིན་ཤིན་ཏུ་འཐུག་པོ་དཀྲིག་ཅིང་འཐིབས་པས་ཁེབས་པའི་སྐར་མའི་སྣང་བ་ཙམ་ཡང་མེད་པའི་སྨག་རུམ་སྟུག་པོའི་ནང་ན་གློག་འགྱུ་བའི་འོད་ཀྱི་ དུས་ཡུན་ཐུང་བ་སྐད་ཅིག་ཙམ་ལ་གཟུགས་ཀྱི་དངོས་པོ་འགའ་ཞིག་རབ་ཏུ་གསལ་ཞིང་། སྣང་བའི་སྐབས་ཅུང་ཟད་ཅིག་སྟོན་པར་བྱེད་པ་ལྟར་གྱི་དཔེ་དེ་བཞིན་དུ། སངས་རྒྱས་རྣམས་ཀྱི་བྱིན་རླུབས་དང་ཐུགས་རྗེའི་འོད་ཟེར་གྱི་སྣང་བའི་མཐུ་ཡིས་བརྒྱ་ལམ་རེས་འགའ་ ཞིག་ན། ཤིན་ཏུ་ཡུན་རིང་བའི་སྲིད་པའི་བཙོན་ར་སྟུག་པོ་འཕགས་པའི་ཡེ་ཤེས་ཀྱི་ཉི་འོད་དང་བྲལ་བའི་མཚན་མོ་ལྟ་བུ། ཐོས་བསམ་གྱི་སྣང་བ་དང་བྲལ་བའི་མུན་ནག་དང་འདྲ་བ། སྡིག་སྡུག་གི་སྤྲིན་འཐུག་པོའི་སྨག་རུམ་དུ་ཚུད་པ་ལྟ་བུའི་འཇིག་རྟེན་ཕལ་པ་ ཅུང་ཟད་སྐལ་བ་དང་ལྡན་པ་རྣམས་ལ་ཕན་བདེའི་རྒྱུ་དམ་པའི་ཆོས་ལ་འཇུག་པར་བྱའོ་སྙམ་པ་ལྟ་བུའི་བསོད་ནམས་དགེ་བའི་ལས་སྒྲུབ་པ་ལ་འཇུག་འདོད་ཀྱི་བསམ་པའམ་བློ་གྲོས་ཀྱི་སྣང་བ་ཐང་འགའ་སྟེ་ལན་གྲངས་གཅིག་གཉིས་ཙམ་དང་དུས་ཀྱང་སྐད་ཅིག་ཙམ་
