ནས་འཁོར་བར་འཁོར་བའི་དུས་ཡུན་རིང་པོར་བྱས་ཤིང་ཉེ་བར་བསགས་པའི་སྡིག་པ་ད་ལྟ་རྣམ་སྨིན་བྱུང་མ་ཟིན་པ་གཉེན་པོས་ཀྱང་མ་བཅོམ་པ་དུ་མ་རྒྱུད་ན་ཡོད་པ་དག་གིས་གེགས་བྱས་ནས་བདེ་འགྲོར་མི་འགྲོ་ཞིང་ངན་སོང་དུ་བསྐལ་པ་དུ་མའི་བར་དུ་རྒྱུན་ པར་གནས་དགོས་པ་ལྟ་སྨོས་ཀྱང་ཅི་དགོས། དེ་ལྟ་ནའང་ངན་འགྲོའི་རྒྱུ་སྔར་བསགས་འདག་ངེས་སུ་སྦྱོང་ཞིང་གསར་དུ་འཇུག་པའི་སྒོ་སྡོམ་པར་བྱེད་ན་བདེ་འགྲོར་སྐྱེ་བ་དེ་ཙམ་མི་དཀོན་ནའང་དེ་ལྟ་བུ་ནི་ཤིན་ཏུ་དཀོན་ནོ། །དེ་ལྟར་མ་བྱས་ན་ངན་འགྲོར་འགྲོ་ལ་ དེར་སོང་ན་དགེ་བ་སྒྲུབ་པ་ཤིན་ཏུ་དཀོན་ལ་སྡིག་པ་ནི་རྒྱུན་པར་གསོག་པས་ངན་འགྲོ་ཁོ་ན་བརྒྱུད་དགོས་ཀྱི་བསྐལ་བ་བྱེ་བ་དུ་མར་བདེ་འགྲོར་སྐྱེ་བ་ལྟ་ཅི་མིང་ཡང་མི་ཐོས་པའི་ཕྱིར་རྙེད་པར་ཤིན་ཏུ་དཀའ་ལ། དེའི་ཕྱིར་མདོ་རྣམས་ལས། དེ་བརྒྱ་ལ་གལ་ཏེ་མི་ རྣམས་ཀྱི་ནང་དུ་སྐྱེས་ནའང་ཞེས་མིར་སྐྱེ་བ་ཤིན་ཏུ་དཀའ་བར་གསུངས་པ་ཡིན་ནོ། །དཔའ་བོས་ཀྱང་། སྐད་ཅིག་གཅིག་ལ་སྡིག་སྤྱད་ནས། །མནར་མེད་པར་ནི་བསྐལ་པར་གནས། །སྐྱེ་བ་དུ་མར་སྡིག་སྤྱད་པས། །བདེ་འགྲོ་དཀའ་ལྟ་ཅི་ཞིག་སྨོས། ཞེས་གསུངས། དེས་ན་ད་ལྟ་ནས་རང་རྒྱུད་ལ་སྔར་བསགས་ཀྱི་སྡིག་ལྟུང་དཔག་མེད་ཡོད་པ་རྣམས་གཉེན་པོ་སྟོབས་བཞིའི་སྒོ་ནས་འདག་ངེས་སུ་སྦྱོང་བ་དང་གསར་དུ་གསོག་པའི་སྒོ་སྡོམ་པ་ལ་བརྩོན་པར་བྱའོ། །འགྲེལ་ཆེན་དུ། མཚམས་མེད་ཀྱི་ལས་ ལྟ་བུ་ལ་སྦྱོར་བ་སྐད་ཅིག་མང་པོ་ཡོད་ཀྱང་དངོས་གཞི་ནི་སྐད་ཅིག་གཅིག་ལ་འགྲུབ་པས་སམ་ཡང་ན་སྐད་ཅིག་མང་པོ་ཡོད་ཀྱང་ཡུན་ཐུང་བས་སྐད་ཅིག་མ་གཅིག་ཅེས་བརྗོད་དེ་མིག་བཙུམ་པ་དུ་མའི་བྱ་བའང་མྱུར་བས་མིག་བཙུམ་པ་ཙམ་གྱིས་ཀྱང་བྱེད་དོ་ཞེས་
