སེམས་ཉིད་ཡིན་གྱི་དེ་ལས་གཞན་པའི་བསླབ་བྱ་མི་དགོས་ཞེས་སྨྲས་པའང་ཡིན་ནོ་ཞེས་གསུངས་ལ། གཞན་ཡང་དབུ་མ་ལུགས་ཀྱི་ཕྱིར་བཅོས་འཆད་པ་ན་ཐུན་ཚོད་འདས་ཏེ་རྩ་ལྟུང་བྱུང་ན་འགྱོད་པས་བཤགས་ལ་སེམས་བསྐྱེད་སླར་བླངས་ཞེས་སོགས་རྩ་ལྟུང་སྐྱེད་ པ་ཐུན་ཚོད་ལ་ལྟོས་དགོས་པར་འདོད་པའང་མང་ལ། དེ་དག་གི་ལུགས་ལ་ཐུན་ཚོད་ཀྱང་ཉེ་བ་འཁོར་གྱིས་ཞུས་པར། བྱང་སེམས་ལ་སྔ་དྲོ་ལྟུང་བ་བྱུང་ན་ཞེས་སོགས་ཀྱི་དོན་ཡིན་པར་འདོད་མོད། དེ་ལྟ་བུའི་ཐུན་ཚོད་ཀྱི་དོན་དེ་ཉིད་མདོའི་དགོངས་པ་གཏན་ནས་ མ་ཡིན་ཏེ་ཞེས་སོགས་གསུངས་ནས་ལུགས་དེ་ཉིད་འགོག་ཚུལ་དང་རང་ལུགས་ཀྱི་མདོ་དེའི་དོན་འཆད་ཚུལ་སོགས་རྒྱ་ཆེར་གསུངས་ནའང་འདིར་མང་གིས་དོགས་ནས་མ་བྲིས་ལ། དེར་མ་ཟད་སྨོན་འཇུག་གི་སེམས་བསྐྱེད་དང་བསླབ་སྡོམ་གྱི་སྐོར་སོགས་ལ་བཞེད་ ཚུལ་མི་འདྲ་བ་དང་དགག་བཞག་གི་སྤྲོས་པ་དུ་མ་ཞིག་གསུངས་མོད་ཀྱང་། འདིར་བསླབ་བྱ་མདོར་བསྡུས་ཙམ་འཆད་པ་སྐབས་དོན་གཙོ་བོ་ལགས་པས་དེ་འདྲའི་སྐོར་མ་སྤྲོས་སོ། །དབུ་སེམས་ལྟ་བ་ཐ་དད་པས་སེམས་བསྐྱེད་ཀྱི་ཆོ་ག་སོགས་ཀྱང་མི་འདྲ་བར་བཞེད་ མཁན་ནི། རབ་དབྱེ་ལས། སེམས་བསྐྱེད་ལས་ནི་ཉན་ཐོས་དང༌། །ཞེས་སོགས་གསུང་བ་པོ་རྗེས་འབྲངས་བཅས་ཡིན་ལ། དེ་འགོག་མཁན། ཤ་ར་བའི་ལམ་རིམ་ནས་ཞིབ་རྒྱས་འབྱུང་ཞིང་བཀའ་གདམས་རྣམས་འདྲ་ལ། རྗེ་ཡབ་སྲས་སོགས་ཀྱང་དེ་དང་འདྲ་ལ། བསླབ་བཏུས་སུ་ནམ་སྙིང་གི་མདོ་ནས་གསུངས་པ་དང་བྱང་ས་ནས་གསུངས་པ་གཉིས་ཕྱོགས་གཅིག་ཏུ་བསྡུས་ནས་རྩ་ལྟུངགི་རྣམ་གཞག་འཆད་པར་མཛད་པས་དེའི་རྗེས་སུ་འབྲང་བའོ། །
གཉིས་པ་ལ་གཉིས། ལེའུའི་གཞུང་། ལེའུའི་མཚན་ནོ། །
དང་པོ་ལ་
