སྒྲུབ་པ་ནི། གཞན་གྱི་མྱ་ངན་སེལ་མི་བྱེད། ཅེས་ཏེ། ཉེ་དུ་དང་བྲལ་བ་དང་ལོངས་སྤྱོད་དང་བྲལ་བ་ལས་གྱུར་པའི་གང་ཟག་གཞན་གྱི་མྱ་ངན་རང་གིས་བསལ་བར་འོས་པ་མནར་སེམས་ཀྱིས་སེལ་བར་མི་བྱེད་ན་ཉོན་མོངས་ཅན་དང༌། སྙོམ་ལས་ དང་ལེ་ལོས་མི་བྱེད་ན་ཉོན་མོངས་བ། ཅན་མིན་པའི་ཉེས་བྱས་སོ། །ཉེས་མེད་ནི། གོང་དུ། དགོས་པའི་གྲོགས་སུ་འགྲོ་མི་བྱེད། །ཅེས་པའི་སྐབས་དང་འདྲའོ། །མྱ་ངན་གྱི་རྣམ་དབྱེ་ནི། སྐྱེད་པའི་རྒྱུར་གྱུར་པའི་གཉེན་ཕ་མ་ཤི་བ། ཡོངས་སུ་བཟུང་བ་ དང་འབྲས་བུའི་གཉེན་ཆུང་མ་བུ་སོགས་ཤི་བ། ངག་ཉན་པའི་གཉེན་ཕོ་མོ་དང་ལས་བྱེད་པ་དང་ཞོ་ཤས་འཚོ་བ་ཤི་བ། ཕན་འདོགས་པ་དང་བྱམས་པའི་གཉེན་མཛའ་བཤེས་དང་གྲོས་གྲོགས་དང་ཉེ་དུ་གཞན་དང་རྒན་རབ་ཤི་བ། ཕན་པ་སྟོན་པའི་ གཉེན་མཁན་སློབ་དང་བླ་མ་ལྟ་བུ་ཚངས་པ་མཚུངས་པར་སྤྱོད་པ་ཤི་བའི་མྱ་ངན་རྣམས་ནི་གཉེན་དང་བྲལ་བའི་མྱ་ངན་དང༌། ལོངས་སྤྱོད་རྒྱལ་པོ་དང་ཆོམ་རྐུན་གྱིས་ཕྲོགས་པ་མེས་ཚིག་པ་ཆུས་ཁྱེར་བ་ལྟ་བུ་གཞན་དང་ཐུན་མོང་བ་དང༌། ལོངས་སྤྱོད་ གཏེར་དུ་སྦེད་པ་མི་ལེགས་པས་ཆུད་ཟོས་པ་དང་། སྒྲུབ་པའི་ལས་ལ་ནན་ཏན་ལེགས་པར་མ་བྱས་པས་མ་རུངས་པར་གྱུར་པ་དང་། བགོ་སྐལ་ལ་སྤྱོད་པ་མི་མཛའ་བ་རྣམས་ཀྱིས་ཁྱེར་བ་དང་། ཁྱིམ་དུ་ཁྱིམ་གྱི་ཕུང་ཁྲོལ་བྱུང་བ་རྣམས་ནི་ལོངས་ སྤྱོད་ལས་བྱུང་བའི་མྱ་ངན་ནོ། །དེ་དག་སེལ་བྱེད་ནི། མི་རྟག་པའི་གཏམ་སྟོན་པ་ལ་སོགས་པའི་སྒོ་ནས་སེལ་བར་བྱེད་པའོ། །
བཀྲེན་པ་ལ་ལོག་པར་སྒྲུབ་པ་ནི། ནོར་འདོད་པ་ལ་སྦྱིན་མི་བྱེད། །ཅེས་ཏེ། ཟས་སྐོམ་དང་ནོར་སོགས་ངེས་པར་འདོད་
