༄༅། །ཀྱང་དེ་ལྟར་བྱེད་པ་ན་སྨན་ཚང་བ་ལ་བསྟེན་པ་ལྟར་མི་འདོད་བཞིན་དུ་འཇུག་དགོས་པ་ལས་དེ་ལྟར་མི་བྱེད་པར་དང་པོར་མངོན་དགའ་བའི་ཚུལ་དང་བར་དུ་དེས་དགའ་བར་འཛིན་པ་དང་ཐ་མར་རངས་པར་བྱེད་ན་ཉོན་མོངས་ཅན་གྱི་ཉེས་བྱས་ སོ། །དེས་ན་མི་འདོད་བཞིན་དུ་དགོས་པའི་དབང་གིས་འཇུག་དགོས་སོ། །
གཉིས་པ་ཡུལ་མཆོག་དང་འབྲེལ་བ་ལ་གསུམ་ལས།
དང་པོ་ཤེས་རབ་ཀྱི་ཡུལ་སྤོང་བ་ནི། ཐེག་པ་ཆེན་པོ་སྤོང་བར་བྱེད། །ཅེས་ཏེ། རང་གི་ཚུལ་མིན་ཡིད་བྱེད་དམ་གཞན་གྱི་ཁ་ ཕྱིར་ཞུགས་པའི་དབང་གིས་ཐེག་པ་ཆེན་པོའི་སྡེ་སྣོད་ལས་དེ་ཁོ་ནའི་དོན་ཟབ་མོའམ་སངས་རྒྱས་བྱང་སེམས་ཀྱི་མཐུ་རྒྱ་ཆེན་པོ་ལས་བརྩམས་ཏེ་བསྟན་པའི་ཟབ་རྒྱས་ཀྱི་ཕྱོགས་གང་རུང་གཅིག་ལ་འདི་དག་བརྗོད་བྱ་དམན་པའམ་ཡེ་ཤེས་ཀྱི་རྟེན་མིན་པས་དོན་དང་ལྡན་པ་ མིན་ཞེས་དང་། རྗོད་བྱེད་དམན་པའམ་བསོད་ནམས་ཀྱི་རྟེན་མིན་པས་ཆོས་དང་ལྡན་པ་མིན་ཞེས་དང་། བྱེད་པོ་དམན་པས་དེ་བཞིན་གཤེགས་པས་གསུངས་པ་མིན་ཞེས་དང་། དེ་ཉིད་ཀྱི་ཕྱིར་ན་སེམས་ཅན་གྱི་ཕན་བདེར་འགྱུར་བ་མིན་ནོ་ཞེས་སྐུར་པ་འདེབས་ ཚུལ་བཞི་བོ་ཐམས་ཅད་དམ་གང་རུང་གིས་སྐུར་པ་འདེབས་པའི་ཚིག་སྨྲ་ཞིང་སྤོང་བར་བྱེད་ན་ཉོན་མོངས་ཅན་གྱི་ཉེས་བྱས་སོ། །འདིར་ཆོས་སྤོང་ལས་སེམས་བསྲུང་ཚུལ་བྱང་ཆུབ་གཞུང་ལམ་ལས་འདི་ལྟར་གསུངས་ཏེ། ཟབ་ཅིང་མཆོག་ཏུ་ཟབ་པའི་ གནས་དག་ཐོབ་ནས་སེམས་མ་མོས་ན་བྱང་ཆུབ་སེམས་དཔས་དད་པ་དང་གཡོ་མེད་པས་འདི་ལྟར་བདག་ནི་ལོང་བར་གྱུར་ཏེ་ཟག་པ་མེད་པའི་ཤེས་རབ་ཀྱི་མིག་མེད་པ་ལ་དེ་བཞིན་གཤེགས་པའི་སྤྱན་གྱིས་རྗེས་སུ་སྤྱོད་བར་ཟད་པས་དེ་བཞིན་གཤེགས་པས་དོན་
