དུ་མཐུན་པར་ཤད་ཀྱིས་འཆག་པའམ་ཤད་སྦྱང་བྱེད་ཀྱང་ཀུན་ནས་མནར་སེམས་དང་ལྡན་ཞིང་གཞན་ལ་འཚེ་བའི་མཐོ་འཚམ་པའི་བསམ་པས་ཤད་སྦྱང་མི་ལེན་པར་སྤོང་བར་བྱེད་ན་ཉོན་མོངས་ཅན་དང་། སྡང་སེམས་མེད་ཀྱང་ལེན་མི་འདོད་པ་ཙམ་གྱིས་མི་ ལེན་ན་ཉོན་མོངས་ཅན་མིན་པའི་ཉེས་བྱས་སོ། །ཉེས་མེད་ནི། ཤད་སྦྱང་མི་ལེན་པའི་ཐབས་དེ་འདུལ་བར་འདོད་པ་ནི་དགོས་པའི་སྒོ་ནས་དང༌། ཆོས་བཞིན་མ་ཡིན་པ་མི་རིགས་པ་དང་མཐུན་པ་མ་ཡིན་པ་ཚིག་ཙམ་གྱིས་ཤད་སྦྱང་བྱེད་པ་གཉིས་ནི་ཡུལ་གྱི་སྒོ་ནས་ ཉེས་པ་མེད་པའོ། །
གསུམ་པ་གཉེན་པོ་ལ་མི་གནས་པ་ནི། ཁྲོས་པའི་སེམས་ཀྱི་རྗེས་སུ་འཇུག །ཅེས་ཏེ། གཞན་ལ་ཁྲོས་ཤིང་འཁྲུགས་པའི་བསམ་པ་དང་པོར་སྐྱེས་ཤིང་སེམས་དེ་ཉིད་ཀྱི་རྒྱུན་མི་གཏོང་བར་དེའི་རྗེས་སུ་འཇུག་ཅིང་འཛིན་ལ་ཉེས་པར་མི་ ལྟ་ཞིང་གཉེན་པོ་མི་བསྟེན་པས་བྱུང་བ་དང་དུ་ལེན་ན་ཉོན་མོངས་ཅན་གྱི་ཉེས་པའོ། །དེ་བསལ་ཕྱིར་འབད་ཀྱང་མ་ལོག་པ་ལ་ཉེས་པ་མེད་པ་སྔར་བཤད་པ་ལྟར་རོ། །དེ་ལྟར་ཉེས་བྱས་བཞི་ནི་བཟོད་པའི་མི་མཐུན་ཕྱོགས་ཀྱི་ཉེས་པའོ། །
བཞི་བ་བརྩོན་འགྲུས་ཀྱི་མི་མཐུན་ཕྱོགས་ལ་གསུམ་ལས།
དང་པོ་སྦྱོར་བ་དམན་པ་ནི། བསྙེན་བཀུར་འདོད་ཕྱིར་འཁོར་རྣམས་སྡུད། ཅེས་ཏེ། ཁྲུས་ལ་སོགས་པའི་རིམ་གྲོ་སྟན་འདིངས་པ་ལས་སུ་མི་བརྐོ་བ་སོགས་ཀྱི་བསྙེན་བཀུར་འདོད་པའི་ཕྱིར་དང་རྫས་འབུལ་དུ་རེ་བ་སོགས་ ཟང་ཟིང་དང་བཅས་༌པའི་སེམས་ཀྱིས་འཁོར་རྣམས་སྡུད་པར་བྱེད་ན་ཉོན་མོངས་ཅན་གྱི་ཉེས་པ་དང་ཟང་ཟིང་མེད་པའི་སེམས་ཀྱིས་བསྡུས་པ་ན་རིམ་གྲོ་སོགས་བྱེད་པ་བདག་གིར་བྱེད་པ་ལ་ཉེས་པ་མེད་དོ། །འདི་ལ། རྙེད་བཀུར་འདོད་ཕྱིར་ཞེས་པའང་ཡོད་དོ།
