ཡེ་མི་སློབ་ན་རྣམ་པ་ཐམས་ཅད་དུ་བྱ་མི་རུང་བར་གསུངས་ལ། དེའི་ཕྱིར་སྡོམ་པ་ཡང་དག་པར་བླང་བར་འདོད་པའི་བྱང་སེམས་ལ་བློ་བརྟན་པར་བྱ་བའི་སློབ་དཔོན་གྱིས་སྡོམ་པ་སྤྲིན་པའི་སྔ་རོལ་ནས་བྱང་སེམས་ཀྱི་བསླབ་གཞི་རྣམས་དང་ཉེས་པའི་གནས་གང་དག་ བྱང་སེམས་ཀྱི་སྡེ་སྣོད་དག་ལས་བསྟན་པ་དེ་དག་བསྒྲུབ་པར་བྱས་ནས་ནུས་སམ་མི་ནུས་སྙིང་ནས་བརྟགས་ཤིང་ཤེས་རབ་ཀྱིས་སོ་སོར་བརྟགས་ནས་སྡོམ་པ་ལེན་པ་ལ་སྤྲོ་བར་གྱུར་ལ། རང་མི་འདོད་བཞིན་དུ་ཕ་རོལ་བོས་ཡང་དག་པར་འཛིན་དུ་བཅུག་པའི་ ཕྱིར་ཡང་མ་ཡིན་ཕ་རོལ་པོ་དང་འགྲན་པའི་ཕྱིར་ཡང་མ་ཡིན་ན་བྱང་སེམས་བརྟན་པོར་རིག་པར་བྱ་སྟེ་དེ་ལ་བྱང་སྡོམ་འདི་ཡང་དག་པར་སྦྱིན་པར་གསུངས་ཤིང་། འདི་འདུལ་བ་དང་མི་འདྲ་བས་སྡོམ་པ་མ་བཟུང་བའི་གོང་དུ་བསླབ་བྱ་རྣམས་མཐའ་དག་ལེགས་ པར་མཉན་ནས་ཤེས་པར་བྱ་ལ་དེ་དག་ལ་སློབ་འདོད་སྦྱངས་པས་བསླབ་པ་ལ་བློ་བརྟན་པར་གྱུར་པ་ན་བླང་བར་བྱ་སྟེ་བསམ་པ་དེ་དག་དང་ལྡན་ན་སྡོམ་པ་སྐྱེའི་མི་ལྡན་ན་མི་སྐྱེ་བར་བསྡུ་བ་ལས་གསུངས་ལ། །བྱང་སེམས་ཀྱི་བསླབ་པ་ལ་སློབ་འདོད་ མེད་པ་དང་སྨོན་སེམས་མ་བསྐྱེད་པ་ལ་སྦྱིན་པར་མི་བྱ་བར་ཚུལ་ལེའི་རྣམ་བཤད་དུ་གསུངས་སོ། །དེ་ནས་ལེགས་པར་བསྲུང་ནུས་པར་མཐོང་བ་ན་གང་ལ་སྡོམ་པ་ནོད་པར་བྱ་བའི་ཡུལ་དུ་འོས་པའི་བླ་མ་ཡང་སྨོན་སེམས་བསྐྱེད་ཅིང་བྱང་སེམས་ཀྱི་སྡོམ་པ་ལ་གནས་ པ། ཐེག་ཆེན་ལ་མཁས་པ། སྡོམ་པ་འབོགས་ནུས་ཤིང་གསོལ་བ་བཏབ་པའི་ཚིག་འབྲུ་འཛིན་ནུས་པ་ཞིག་ལ། བདག་རིགས་ཀྱི་བུ་ཁྱོད་ལས་ཞེས་སོགས་ཀྱིས་གསོལ་བ་ལན་གསུམ་གདབ་ལ། དེ་ནས་ཕྱོགས་བཅུའི་སངས་རྒྱས་མངོན་སུམ་དུ་བཞུགས་
