ལྟར་མཆོད་རྫས་ཀྱི་རྣམ་གྲངས་འགའ་ཞིག་སྨོས་ནས་སླར་ཡང་སྨོན་ལམ་གྱི་མཆོད་པར་བསྡུས་ཏེ་བསྟན་པའི་ཕྱིར་སྔ་མ་དེ་དག་ལས་གཞན་པ་ཡང་དེ་དག་ལས་ཕུལ་དུ་བྱུང་ཞིང་ཁྱད་པར་དུ་འཕགས་པའི་མཆོད་པའི་ཚོགས་ཇ་བོ་ཆེ་དང་རྫ་རྔ་དང་དུང་དང་པི་ཝང་ལ་སོགས་པའི་རོལ་མོའི་ རྣམ་གྲངས་སྒྱུ་རྩལ་དྲུག་ཅུ་རྩ་བཞི་ལས་རོལ་མོའི་བྱེ་བྲག་བཅོ་བརྒྱད་ཅེས་བཤད་པ་ལྟ་བུ་སྒྲ་སྙན་ཅིང་ཡིད་འཕྲོག་པ་དུ་མ་དང་། ལྷའི་བུ་མོ་སོགས་ཀྱིས་མཛེས་པའི་གར་དང་བཅས་པའི་གླུ་དབྱངས་སྙན་པ་ཡིད་དུ་འོང་བ་སྒྲོགས་པ་དང་ལྡན་པ། བྱེད་ལས་ཀྱི་ཁྱད་པར་སྒྲ་ དབྱངས་དེ་དག་རྣ་ལམ་དུ་ཐོས་པ་ཙམ་གྱིས་ཀྱང་སེམས་ཅན་སྡུག་བསྔལ་ཅན་རྣམས་ཀྱི་སྡུག་བསྔལ་སེལ་ཞིང་དགའ་བདེས་ཡིད་སིམ་པའམ་ཚིམ་པར་བྱེད་པའི་མཆོད་པའི་སྤྲིན་ཕུང་དཔག་ཏུ་མེད་པ་རྣམས་ཀྱི་རྒྱུན་བསྐལ་བོའམ་བསྐལ་བ་ལས་ཀྱང་ལྷག་པར་རྒྱལ་བ་ སྲས་བཅས་ཀྱི་སྙན་གྱི་ལམ་དུ་རྒྱུན་ཆད་པ་མེད་པར་སོ་སོར་གནས་པའམ་དེ་དག་གི་སྤྱན་སྔར་དུས་ཆད་པ་མེད་པར་སོ་སོར་འབྱུང་ཞིང་གནས་པར་གྱུར་ཅིག །དེ་བཞིན་དུ་ལུང་གི་ཆོས་གསུང་རབ་སྡེ་སྣོད་ གསུམ་མམ་ཡན་ལག་བཅུ་གཉིས་དང་རྟོགས་པའི་ཆོས་འགོག་ལམ་གཉིས་སུ་གཏོགས་པའི་དམ་པའི་ཆོས་དཀོན་མཆོག་ཐམས་ཅད་དང་དེའི་རྟེན་གླེགས་བམ་སོགས་དང༌། ཆོས་སྐུའི་རྟེན་རིང་བསྲེལ་གྱི་སྙིང་པོ་ཅན་གྱི་མཆོད་རྟེན་རྣམས་དང༌། གཟུགས་སྐུའི་ རྟེན་རི་མོར་བྲིས་པ་འབུར་དུ་དོད་པ་ལུགས་སུ་བླུགས་པའི་སྐུ་གཟུགས་སོགས་ལ་རིན་ཆེན་མེ་ཏོག་སྟེ་རིན་པོ་ཆེའི་ཆར་དང་མེ་ཏོག་གི་ཆར་དང་གོས་དང་རྒྱུན་འབྲུ་དང་སྨན་ལ་སོགས་པའི་མཆོད་རྫས་ཀྱི་ཆར་བ་དུ་མ་དུས་སྲིད་པ་ཇི་སྲིད་ཀྱི་བར་དུ་ནམ་ཡང་རྒྱུན་མི་འཆད་པར་
