This page has been proofread.
༄༅། །པོ་ལ་ཧུར་ཕྱུང་། ཤེས་པ་གཟེངས་བསྟོད་ལ་བསྒོམ། ཐུན་ཆུང་ལ་གྲངས་མང་བ་ལ་བསླབ་ཅིང་ལུས་གནད་བསྒྲིམ་མོ། །ཡང་
རྟོག་པ་པྲ་ཡས་དང་། ཧ་ཅང་རྒོད་ཅིང་འཕྲོ་བ་ལ། སྤྲུལ་སྐུའི་ལྟ་སྟངས་བྱ། ཨོག་བཏེགས་ཕབ། ཤེས་པ་འཕང་སྨད་དོ། །ཡང་འདོད་ལོག་ཆགས་ སེམས་སྙིང་རྗེ་སྐྱོ་ཤས་ལ་སོགས་ལེགས་ཉེས་ཀྱི་བསམ་ནོ་མང་པོ་ལ་འཕྲོ་ན། ཁྲེགས་ཆོད་ཀྱི་ལྟ་ཐོག་ཏུ་ངར་བསྐྱེད། བོགས་སུ་གང་འགྲོ་རིག་པའི་མདའ་བསྣུན་ ནོ༑ །ཡང་ན་ཡི་དམ་གྱི་བསྐྱེད་རིམ་གསལ་རེ་གདབ། ཞེན་ལོག་དང་དགོས་མེད་མི་སྡུག་པ་ལ་སོགས་གཉེན་པོའི་གནད་གང་འགྲོ་རེ་བཏང་ངོ་། །ཡང་མངོན་ སུམ་ཀྱི་སྣང་བ་དབྱིངས་རིག་འོད་གསལ་བཀྲག་དང་ལྡན་པ་ལ། རྟག་ལྟ་དང་མངོན་ཞེན་ཅུང་ཟད་བྱུང་ན། དེ་ལྟ་བུའི་གསལ་སྣང་ཐམས་ཅད་ཆུ་ཟླ་འམ་མེ་ལོང་གི་
གཟུགས་བརྙན་ལྟར་སྣང་ལ་རང་བཞིན་མ་གྲུབ་པར་འཛིན་བློ་དང་ཕྲལ་ལ་ངོ་སྤྲད་པར་བྱའོ། །ཡང་ཁྲེགས་ཆོད་གཞི་སྣང་གི་ཏིང་ངེ་འཛིན་ལ་འབྱམས་ནས། ཐོད་