This page has been proofread.
༄༅། །དྲན་བསམ་འཛིན་པ་དང་བྲལ་བར་བསྒྱུར་བ་ནི་རྣལ་དབབ་ཀྱི་དོན་ནོ། །དེ་ལྟར་རྣལ་དབབ་ལ་ཞག་གཅིག་གམ་གསུམ་སྤྱོད་པས་
ལུས་ངག་ཡིད་གསུམ་རྣལ་དུ་ཕེབ་པའི་རྟགས་ནི། ལུས་རྣལ་དུ་ཕེབས་པས་མི་འགུལ་བར་སྡོད་པ་དང་། ངག་རྣམ་དུ་ཕེབས་པས་སྨྲ་སྙིང་མི་འདོད་ པ་དང་། ཡིད་རྣལ་དུ་ཕེབས་པས་འཇིག་རྟེན་གྱི་བྱ་བ་ལ་ཡིད་མི་འཇུག་པའོ། །མ་བྱུང་གི་བར་དུ་བསྐྱར་རོ། ༈ །གཉིས་པ་རྣལ་ དབབ་ཉིད་འདུག་སྟངས་སོ་སོར་འཇོག་པ་ལ་གསུམ་ལས། དང་པོ་ཉན་ཐོས་ཀྱི་འདུག་སྟངས་ལ་བསླབས་པ་ནི། ལུས་སྐྱིལ་ཀྲུང་མཉམ་ གཞག་དྲང་པོར་བསྲངས་ལ། མིག་སྣ་རྩེར་ཕབ་ལ་སེམས་རྩེ་གཅིག་ཏུ་གཏད་ནས་མཉམ་པར་བཞག་ཅིང་བསམ་བརྗོད་གང་ཡང་མི་བྱའོ། །གཉིས་
བྱང་སེམས་ཀྱི་འདུག་སྟངས་ལ་བསླབ་པ་ནི། ལུས་འདུག་སྟངས་གོང་དང་འདྲ་བ་ལས། མིག་ཐད་ཀར་ཧད་དེ་བལྟ་ཞིང་སེམས་གང་དུ་ཡང་མི་གཡོའོ། །