This page has been proofread.
ཐེག་ཆེན་བླ་མེད་ཀྱི་ཁྱད་ཆོས་སུ་བཞག་སྟེ། ཐེག་ཆུང་རྣམས་ཀྱི་ཆོས་ཅི་བྱེད་རང་ཉིད་གཅིག་པུ་ཐར་པ་འཐོབ་པའི་དོན་དུ་བྱེད་པའོ། །ཐེག་པ་ཆེན་པོའི་ཆོས་
ཅི་བྱེད་ཀྱང་གཞན་དོན་དུ་བྱེད་དོ། །སེམས་ཅན་ཐམས་ཅད་སངས་རྒྱས་ཐོབ་པར་སྨོན་ཅིང་ལམ་ལ་འཇུག་པ་ནི། ཐེག་ཆེན་ལམ་གྱི་ཁོངས་སུ་གཏོགས་ པའི་དགོས་ཆེད་དོ། །གཉིས་པ་སེམས་བསྐྱེད་དངོས་ལ་གཉིས་ལས། དང་པོ་སྨོན་པ་སེམས་བསྐྱེད་ནི། ཕ་མས་གཙོ་བྱས་སེམས་ཅན་རྒྱ་ཆེ་ ཞིང་གྲངས་མང་བ་འདི་རྣམས་སྡུག་བསྔལ་ཀྱི་མནར་བ་འདི་དང་བྲལ་ཞིང་། བདེ་བ་དང་ལྡན་ན་རེ་དགའ་ཞེ་ཐག་པ་ནས་བསམ་སྟེ། སྨོན་པ་ནི་ངག་ འདོན་རྒྱས་འབྲིང་བསྡུས་སོགས་གང་སྤྲོ་ལོགས་སུ་བཀོལ་བ་ལྟར་བྱའོ། །གཉིས་པ་འཇུག་པ་སེམས་བསྐྱེད་ནི། རང་འདོད་མེད་ཅིང་སེམས་
ཅན་ཐམས་ཅད་ཀྱི་དོན་དུ། ལམ་ཟབ་མོ་ལ་བློ་གཞོལ་ཏེ་ཉམས་སུ་བླང་བའོ། །འདི་ནས་ལམ་གྱི་ཆོས་ཐམས་ཅད་ལ་སེམས་བསྐྱེད་ཟིས་ཟིན་པས་ནི།