This page has been proofread.
༄༅། །ཟབ་མོ་མངོན་སུམ་ཀྱི་འོད་གསལ་ཀྱི་སྣང་བ་འདི་ཉམས་སུ་བླང་ན་མདོ་རྒྱུད་ཀྱི་ཤེས་བྱ་མ་ལུས་པའི་དོན་འདི་ལས་མེད་དོ་ཅེས་པ་འདི་མི་འཐད་དེ།
རྒྱལ་བ་སངས་རྒྱས་ཀྱི་ཐེག་པའི་བྱེ་བྲག་ལམ་ཀྱི་ཚུལ་མི་འདྲ་བ་རྣམས་བཀའ་སྩལ་དགོས་པའི་དོན་འགྱུར་མེད་དེ། མངོན་སུམ་ཀྱི་གནད་འོད་གསལ་ཀྱི་དོན་འདི་ལས་ གཞན་མེད་པའི་ཕྱིར་རོ། །འདོད་པར་ནུས་པ་མ་ཡིན་སྟེ། ཅི་སྐད་དུ། རིག་པའི་གནས་ལྔ་དག་ལ་མཁས་པར་མ་སྦྱང་ན། །འཕགས་མཆོག་གིས་ཀྱང་མཁྱེན་གཉིས་ ཐོབ་པར་མི་འགྱུར་དེ། །གཞན་དག་རྗེས་བཟུང་བྱ་ཕྱིར་གཞན་དག་ཚར་བཅད་ཕྱིར། །བདག་ཉིད་ཀུན་ཤེས་བྱ་ཕྱིར་དེ་ལ་དེ་བརྩོན་བྱེད། །ཅེས་པ་དང་། ཤེས་པའི་ བསླབ་བྱ་མང་པོ་ལ། །བརྩོན་པའི་དོར་བ་ཡོད་མོ་ཡིན། །ཅེས་པ་དང་། རྒྱལ་བའི་སྲས་ཀྱི་མི་སློབ་པ། །དེ་ནི་གང་ཡང་ཡོད་མ་ཡིན། །ཅེས་གསུངས་པའི་ཕྱིར་རྣམ་པ་
ཐམས་ཅད་མཁྱེན་པའི་སངས་རྒྱས་ཀྱི་ཡེ་ཤེས་ཐོབ་པར་བྱེད་པ་ལ། རྒྱུ་མཐུན་ཀྱིས་སྦྱང་བ་སྔོན་དུ་ཐོས་བསམ་ཀྱི་ཤེས་བྱའི་ཆོས་ཚུལ་བསམ་ཀྱི་མི་ཁྱབ་པའི་སྒོ་དུ་མ་ལ་