This page has been proofread.
༄༅། །སྤྲིན་དང་ན་བུན་ཁུ་རླང་མེད་པའི་ནམ་མཁའ་དངས་བའི་ཚེ། སྔ་དྲོ་ཉི་མ་དཔང་ཤར་དང་། ཕྱི་དྲོ་སང་ཐལ་གཉིས་ནི་ངོ་སྤྲོད་པའི་དུས་
ཚོད་ཡིན་ནོ། །དེའི་ཚེ་སྔ་དྲོ་ཉི་མ་ལ་ཐོགས་ནས་བུད་པ་དང་། སློབ་བུ་ལ་འདུག་སྟང་བྱེད་དུ་བཅུག །མིག་གིས་གཟིམ་འོད་རྩའི་ཐོགས་དུ་དྲིལ་ཉི་མའི་ མདང་དང་སྤྲད་དེ་འཆར་སྒོ་འཕྲོད་པར་བྱ་ལ། དབྱིངས་ཀྱི་སྣང་བ་ཤིག་ཤིག་དུ་འཆར། ཐིག་ལེ་ཐིག་ཕྲན་རྡོ་རྗེ་ལུ་གུ་རྒྱུད་དང་བཅས་པ་ཕྲ་ལ་ལ་འཆར། དེའི་ཐོགས་དུ་ངོ་སྤྲོད་པའམ་ཡང་ན་རྡོ་རྗེ་ལུ་གུ་རྒྱུད་ཐིགས་ཕྲན་ཀྱིས་བསྐོར་བ་རང་ཐོགས་སུ་མི་སྡོད་ཅིང་འགྲོ་འོང་གིས་རྣམ་པ་ཅན་དེ་ལ་ངོ་སྤྲད་དོ། །དེ་ལ་འདི་ སྐད་ཅེས་བྱ་སྟེ། ཁྱོད་ལ་ད་ལྟའི་འཆར་སྣང་ཁྲ་ཤིག་ཤིག་མདང་འོད་དུ་མཚེར་བའི་རྣམ་པ་ཅན་འདི་ཀ་ན་ཡོད་པ་གཅིག །གང་ནས་འོང་བ་རེད།
སུའི་བྲིས་པ་ཨང་། རྒྱུ་གང་ལས་བྱུང་། རྐྱེན་གང་གིས་བསྐྱེད། མི་ཁྱོད་རང་གིས་མཐོང་ངམ། རྒྱུད་གཞན་གྱིས་མཐོང་ཡིན། ཡང་ན་གཉིས་ཀའི་ལས་སྣང་མཐོང་