This page has been proofread.
༄༅། །འདྲ་བའི་རོ་རྣམས་དང་། གཞན་ཡང་ཁ་བ་བསྐྱུར་བ་མངར་བ་རྣམས་ཀྱི་རིགས་མི་འདྲ་བ་བསམ་གྱི་མི་ཁྱབ་པའི་རོ་རྣམས་རང་བཞིན་ཀྱི་མྱོང་
བའི་རྣམ་པ་ཡོད་དེ། ཅི་སྐད་དུ། བསམ་བསྟན་ཟས་ཀྱི་འཚོ་བར་ཤོག །ཅེས་པ་དང་། མདོ་ལས། རོ་ཏིང་ངེ་འཛིན་དུ་རྟོག་པར་བྱའོ། །ཅེས་པ་དང་། ཟག་མེད་ཡེ་ཤེས་ཀྱི་བདུད་རྩི་རོ་མཆོག་བརྒྱ་ལྡན། ཅེས་པའི་དོན་ཡང་འདིར་གདའི། ཟབ་མོ་ལྷུན་གྲུབ་རང་སྣང་། གཞི་སྣང་གིས་ངོ་བོ་ཡིན་པའི་ཕྱིར། རྒྱུ་རྐྱེན་ འཚོགས་པ་ལས་བྱུང་བའི་རོ་དང་མ་ནོར་བར་ངོ་སྤྲད་པ་གལ་ཆེའོ། །ད་ནི་ཟབ་མོ་རང་སྣང་གིས་རེག་བྱའི་ངོ་སྤྲད་ཟུར་ཙམ་གཅིག་བཤད་དེ། འཇམ་པར་རེག་ པ་དང་། རྩུབ་པར་རེག་པ་དང་། རེན་པར་རེག་པ་དང་། ཡང་བ་དང་། སྒྱིད་པ་དང་། དགོད་པ་དང་། ཤིན་ཏུ་ཡང་བ་དང་། མིག་ཕྱེད་ཙུམ་ཅན་དང་། མིག་མེད་
པ་དང་། གཏན་ནས་མེད་པར་སྣང་བའི་རེག་བྱ་དང་། ནང་རོལ་མཆིན་པ་དང་བཅས་ཕྱིར་བུད་པའི་སྣང་བ་དང་། ནང་རོལ་གཏན་ནས་མེད་པའི་སྣང་བ་དང་།