This page has been proofread.
དེའི་ཕྱིར་བཀའ་ཟབ་མོའི་གནད་ཐམས་ཅད་ལུས་རྟེན་འབྲེལ་ཀྱིས་ཆོས་ལ་ཡོད་པ་ཡིན་པས། འདི་ལ་སྐུ་གསུམ་གྱིས་འདུག་སྟང་དང་། སྐུ་ལྔའི་འདུག་
སྟང་དང་། གཞན་ཡང་འདུག་སྟང་གིས་བྱེ་བྲག་མང་དུ་ཡོད་དེ། འདིར་ལེན་གཅིག་ལུས་གནད་ཆུན་ཆེ་བའི་ཕྱིར། གཙོ་བོ་སྐུ་གསུམ་ཀྱི་འདུག་སྟོང་དང་། ངལ་བསོ་རྒྱུན་ཁྱེར་ཀྱིས་ཉམས་ལེན་དུ་ཡན་ལག་གོ །འཁོར་གྱིས་འདུག་སྟང་གིས་ཉམས་སུ་བླང་ངོ་། །འདི་ལ་དུས་ཚོད་ཀྱིས་གནད་དང་བསྟུན་ཤེས་དགོས་ སྟེ། ཀློང་གསལ་ལས། ངོ་སྤྲོད་དུས་ཀྱི་ཁྱད་པར་ཕྱིར། །མཁས་པས་དུས་གནད་རྩལ་བར་བྱ། །ཅེས་པས། ཉི་མ་གཅིག་གིས་དུས་གནད་དང་། ། སྟོན་དཔྱིད་དབྱར་རྒུན་རྒུན་ཀྱིས་དུས་ཚོད་དང་བསྟུན་པ་གལ་ཆེའོ། །དེ་ཡང་སྔ་མ་ལས། དབྱར་མ་སྟོན་དང་རྒུན་ཆུང་དཔྱིད་ཀྱིས་དུས། །ཟེར་གཉིས་དུས་ནི་
མཆོག་དུ་བཤད་པ་ཡིན། །ཞེས་པས་དུས་ཚོད་དེ་རྣམས་བསྟུན་སྟེ། གནས་གངས་རིའམ། གཡའ་ཁྲོད་སོགས་ས་གྷོ་མཐོ་བ། ཉི་མ་སམ་ཤར་སམ་ཐལ་