༄༅། །སྟོང་པ་ཉིད་བཙལ་དུ་མེད་པས་ན་གཟུགས་ལས་ཀྱང་སྟོང་པ་ཉིད་གཞན་མ་ཡིན། སྟོང་པ་ཉིད་ལས་ཀྱང་གཟུགས་གཞན་མ་ཡིན་ནོ་ཞེས་གསུངས་སོ། །བཞི་པ་ལ། ཟླ་བ་ནི་མཚན་ཉིད་ གསུམ་དང་ལྡན་པ་སྟེ། དཔག་ཚད་ལྔ་བཅུ་དང་། བསིལ་བའི་འོད་ཟེར་འཕྲོ་བ་དང་། མུན་པ་སེལ་བའི་ཡོན་ཏན་གསུམ་དང་ལྡན་པའོ། །ཆུ་ནང་གི་ཟླ་བར་སྣང་བ་ལ་མཚན་ཉིད་དེ་དག་ཡོད་པས་ ཟླ་བར་སྣང་ཡང་ཟླ་བར་མ་གྲུབ་པར་ངེས་སོ། །གལ་ཏེ་གཞན་མ་ཡིན་ན་གཅིག་ཏུ་འགྱུར་རོ་ཞེ་ན། གཅིག་མིན་ཏེ། སློབ་དཔོན་ཕྱོགས་ཀྱི་གླང་པོས། གཟུགས་ནི་སྟོང་ཉིད་མི་རིགས་ཏེ། །ཕན་ཚུན་དུ་ ནི་འགལ་བ་ཉིད། །སྟོང་ཉིད་ཅེས་བྱ་གཟུགས་དང་བྲལ། །གཟུགས་ནི་རྣམ་པ་དང་འབྲེལ་ཡིན། །ཞེས་གསུངས་པ་ལྟར་རོ། །མདོར་ན་གཟུགས་སུ་སྣང་བའི་དུས་ཉིད་ནས་གཟུགས་ཀྱི་རང་གི་ངོ་བོར་ མ་གྲུབ་སྟེ། དཔེ་ཆུ་ནང་དུ་ཟླ་བར་སྣང་ཡང་ཟླ་བའི་ངོ་བོར་མ་གྲུབ་པ་བཞིན་ནོ། །ཆོས་བཞི་པོ་འདི་ཉིད་གཟུགས་ལ་སྦྱར་བ་དེ་བཞིན་དུ་ཚོར་བའི་ཕུང་པོ་དང་། འདུ་ཤེས་ཀྱི་ཕུང་པོ་དང་། འདུ་ བྱེད་ཀྱི་ཕུང་པོ་དང་། རྣམ་པ་ཤེས་པའི་ཕུང་པོའི་བར་དུ་ཡང་དེ་བཞིན་དུ་ཤེས་པར་བྱའོ། །ཆོས་ཐམས་ཅད་སྟོང་པ་ཉིད་དུ་གཏན་ལ་ཕབ་ཟིན་ཏོ། །
ཟབ་མོ་ཁྱད་པར་བརྒྱད་དང་ལྡན་པ་བསྟན་པ་ནི།
