སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །ཤཱ་རིའི་བུ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ ཏུ་ཕྱིན་པ་ཟབ་མོའི་སྤྱོད་པ་སྤྱད་པར་འདོད་པ་དེས་འོག་ནས་འབྱུང་བ་འདི་ལྟར་རྣམ་པར་བལྟ་བར་བྱ་སྟེ་"ཞེས་མཚམས་སྦྱར་ནས།
ལྟ་ཚུལ་དངོས་བསྟན་པ་ནི། གཟུགས་སྟོང་པའོ་ཞེས་སོགས་ གསུངས་ཏེ། ཟབ་མོ་ཁྱད་པར་བཞི་ལྡན་བསྟན་ཏོ། །འདི་ནི་ཆུ་ཟླའི་དཔེ་ཤེས་པར་བྱ་སྟེ། དཔེར་ན་ཆུ་ནང་དུ་ཟླ་བའི་གཟུགས་བརྙན་སྣང་བ་ན། ཆུ་ནང་དུ་ཟླ་བ་སྣང་ཙམ་མ་འགག་པར་ཡོད་པ་ དང་༑ ཟླ་བ་སྣང་བའི་དུས་ནས་ཆུ་ནང་དུ་ཟླ་བར་ཡོད་མ་མྱོང་བ་དང་ཟླ་བར་སྣང་བ་དང་། ཟླ་བའི་རང་གི་ངོ་བོར་ཡོད་མ་མྱོང་པ་ཐ་མི་དད་པ་དང་། ཟླ་བའི་མཚན་ཉིད་ཤེས་ནས་རང་སར་གྲོལ་ བའོ། ། དཔེ་དེ་བཞིན་དུ་གཟུགས་སུ་སྣང་བའི་དུས་ཉིད་ནས་གཟུགས་ཀྱི་རང་གི་ངོ་བོས་སྟོང་པ་སྟེ། འདི་ནི་གཟུགས་སྟོང་པའོ་ཞེས་པའི་དོན་ནོ། །གནས་ཚུལ་ལ་སྟོང་པ་ཉིད་ཡིན་ཡང་ཐ་སྙད་དུ་ གཟུགས་ཀྱི་སྣང་བ་མ་འགག་པར་བློ་ལ་སྣང་བ་སྟེ། སྟོང་པ་ཉིད་གཟུགས་སོ་ཞེས་པའི་དོན་ནོ། །གཟུགས་སུ་སྣང་བ་ཉིད་གཟུགས་ཀྱི་རང་གི་དངོས་པོ་སྟོང་པ་ཡིན་གྱི་དེ་ལས་ལོགས་སུ་གཟུགས་ཀྱི་
