༄༅། །ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་སྤྱོད་པ་ཉིད་ལ་རྣམ་པར་ལྟ་ཞིང་ཕུང་པོ་ལྔ་པོ་དེ་དག་ལ་ཡང་རང་བཞིན་གྱིས་སྟོང་པར་རྣམ་པར་ལྟའོ་ཞེས་པས་བསྟན་ཏེ། བཅོམ་ལྡན་འདས་ཀྱིས་བྱིན་གྱིས་བརླབས་ནས་སྟོང་པ་ཉིད་རྟོགས་པའི་ཏིང་ངེ་འཛིན་རྒྱུད་ལ་བསྐྱེད་ནས་ཤཱ་རིའི་བུས་དྲིས་པའི་ལན་སྟོན་པར་མཛད་དོ། །ལུང་སྟོན་པ་ནི་ཏིང་ངེ་འཛིན་གྱི་མཐུའོ། །
གཉིས་པ་ཤཱ་རིའི་བུ་ནི་དྲི་བ་པོའོ། །
གསུམ་པ་ཇི་ལྟར་བྱིན་གྱིས་བརླབས་པ་ནི། སྤྱན་རས་གཟིགས་ཀྱིས་ལན་སྟོན་པ་དང་ཤཱ་རིའི་བུས་དྲི་བ་བྱེད་པར་བྱིན་གྱིས་བརླབས་པས་སོ། །
ཤཱ་རིའི་བུའི་དྲི་བ་ནི། ཤཱ་རིའི་བུས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །"རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོའི་སྤྱོད་པ་སྤྱད་པར་འདོད་པ་དེས་ཇི་ལྟར་བསླབ་པར་བྱ་"ཞེས་དྲིས་སོ། །དྲི་བ་འདི་ལ་རིགས་ཀྱི་བུ་ཞེས་བྱ་བ་ཡོད་ཀྱི་རིགས་ཀྱི་བུ་མོ་ཞེས་བྱ་བ་མེད་ཅེས་སྨྲ་བ་ནི་ནོར་བ་སྟེ། རྒྱ་དཔེ་ལ་ཡོད་པས་སོ། །
དེ་ནས་སྤྱན་རས་གཟིགས་ཀྱིས་དེའི་ལན་ཤེར་ཕྱིན་ལ་བསླབ་ཚུལ་བསྟན་པ་ནི། དེའི་ཚེ་བྱང་ཆུབ་སེམས་དཔའ་
