This page has been proofread.
༄༅༅། །རྒྱ་གར་སྐད་དུ། མ་ཧཱ་སུ་ཁ་ཨ་མྲྀ་ཏ་པྲ་བྷ་ནཱ་མ། བོད་སྐད་དུ། བདེ་བ་ཆེན་པོའི་བདུད་རྩིའི་འོད་ཅེས་བྱ་བ། དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །འཁོར་ལོ་པདྨ་རྒྱས་གང་བ། །རང་གི་གནས་ནི་ཉིད་དུ་འཁྱིལ། །སངས་རྒྱས་ཀུན་གྱི་གསང་བ་སྟེ། །འགྲོ་བ་ཀུན་ལ་རང་བཞིན་ གནས། །ཡང་དག་པ་དེ་རབ་ཏུ་བཤད། །ཡང་དག་པ་ཡང་རྣམ་པ་བཞི། །དེ་ནི་ལུས་ལ་རབ་ཏུ་གནས། །འདི་ལྟར་ཤེས་པའི་ལུས་ཉིད་ནི། །བདེ་བ་ཆེན་པོའི་སྐུ་ཞེས་བྱ། །ལྟེ་བ་གསང་བའི་དྲུག་ཅུ་བཞིའོ། །སྤྲུལ་པའི་ཡིག་འབྲུ་དཀར་པོ་བཀོད། །ཨཱ་ལི་ཀཱ་ལི་གཡས་དང་གཡོན། །ཡེ་ཤེས་ བཞི་ཡི་ཡི་གེ་ཨོཾ། །དབུས་ཀྱི་རི་བོང་འཛིན་པར་རོ། །སྤྲུལ་པའི་དཀྱིལ་འཁོར་ཞེས་སུ་བཤད། །སེམས་ཀྱི་གནས་སུ་སྐུ་སོགས་བརྒྱད། །ཁ་དོག་དཀར་པོ་ཡི་གེ་དགུ །ཧཱུཾ་བྲཱུཾ་ཏྲཱཾ་ཧྲིཾ་ཁཾ་ཡིག་རྣམས། །དབུས་ནས་བྱང་དུ་རིམ་བཞིན་དགོད། །མཚམས་སུ་ལཾ་ལ་སོགས་པ་བཞི། །མཚན་མ་མེད་པའི་
