— 26 —
Ненгэ весть: сицэ машты иднэть мелэ якама, кие кырцы сонь аруняста.
Штайть кэтцень эрь андомада инголэ, да нуланянзон полафтомста.
Эшлекшнек эрь шинэ, штакшнек кыда венеледндай.
Сиденяста муськондийть шчамнянзон, полафнийть нуланянзон.
Тяк ашкочнэ лама нуласа иднэть, а ту сон мевськоды ды ырдазыей.
Аруняста кыртьк кутцень, ноляк ару кожф эзозонза; лифнек иднэть ушу ару кожфкас ваймонц тарксема.
| Кодама иднэсь шумбра. |
Кона иднэсь шумбра, кемэ, сэнь лэпонэ, якстернэ тела кедняц, аш ланксонза кодаптка поколнят, невольф вастт. Конань мельгэ лац якахть, сэ шумбра. Кыда иднэть шуроста эшлекшнесазь, прянза, шэяронзон ёткс тиевийхть тюжэ пейкст. Сят пейкснень эрявихть машфтомс: ватьк прэнянц салфтома вайняса, сотк руцэняса. Сяда мелэ, пилешка част ётазь, штак ирэнянц сапоньца. Кыда тяфта штасак колмошкаксть шинь ётазь — пейкснэ ды кувотнэ пэярийхть.
Лац антфт иднэть теланяц кемонэ, а осалста антфть — шонгарнэ, кедняц ланксонза нюрги, модэряфкэ.
Нингэ шачема шистонза, иднэть ули ни аф лама вийняц, шарфнесыйнь сон кэднянзон пильгонянзон, ды прэнянц. Сэтяфнаста ашчи иднэсь анцек мызярда уды сянкса тэйть содонда иднэть кэднянзон ды пильгонянзон. Содондомть эзда иднэсь осалгады.
