7. Исус цилькій сонне: ли кирьхнич нит-же: іель тон кихчель Шурэ, иджант Иммель.
8. Васьт валт сонэ цуэрхт и вык чевта эл тіерьм элэ, и вуэзхал сонне пукыйт тан альме цар-іемнійт и синэ славе.
9. И сарн сонне: мун пук тэ-лайте тонне антам, буде коммеринчих мынне юэлка.
10. Танна Исус сонне сарн: уйт мунст іерс зайя, сахтан; тэн гуэйк што ли кирьханч: Шурре, тонэ Иммля коммэрдэл и эвт сонне служэ.
11. Танна куэт сонэ цуэрхт; и кич іеηкал путтин сонэ горра и слушшин сонне.
12. Куэсь Исус кудій, Эвван ли антанч орремсайя, сон мэный Галилейя.
13. И сон куэсь кудій Назарет, пудій и іеллешкудій Капернаумест, міер-рынтест; Завулон и Неффалим раій сизн.
14. Што шэнтахч сарнманч пайель пророк Исайя, ку сарн:
15. Завулон іемне и Неффалим іемне міер кяйн альн Іордан туккен, рыстнахтем Галилей;
16. Мыр оррей сіевньдэзест, уйній шур чувэ и сорьм іеинест и кэпсест орэійт чуввед шэнтій.
17. Теде палест Исус сарнашкудій Иммель сагыйт и ціелькешкудій: кайдэттед, тэн гуэйк што альм царвалт альтля пудій.
18. Куэсь сон мэный альт Галилей міерред, сон уйній кухт вильле, Сымман, кохчма Піедрен, и Уэньтрей сонэ вильле саймійт поткмен міерре; тэн гуэйк што сонай лейин куль-шилей.
19. І сарн сійе, што пуэттед мунэ мильт и мун тинійт туешам олмунч-шиллиен.
20. Сій вактиньне куттен саймійдис и вулькин сонэ мильт.