12. Сонэ коайв ли кидест сонст и сон чилк иджес яв-сіемен-таккэм-пэрт, и копч пшеницес айхта, а яв-шэнтем суйн сон поалт чацкнахтем толыйн.
13. Танна поат Исус Галилеест Іордане, Эвван горра, рыстнэттед сонст.
14. Эвван же тульсэлый сонэ, и сарнай: мынне быт рыстнэттед тонст, и тонна мынне поадах?
15. А Исус цилькій сонне вуэста: куде ать нит; тэн гуэйк што нит мійе шіехт туйшед юкке вуйкедвудэ. Танна Эвван луэшт сонэ.
16. И рыстнэтманч Исус вактыньне чадзест війдій; и кич, альме сонне авнын, и уйній Эвван Иммель вуйηас, ку вуэлас пудій, готь колупь, и сонэ элэ ниій.
17. И кич, сарнешкудій альмійн ин: Тат ли мунэ шабъшем альк, ку ли мунэ иηкед мильт.
Няльлянт алкхэш.
Танна ляй Исус выкманч вуйηсин міехц-пайхка, кихчлем варас цуэртест.
2. И куэсь сон пазьхій ніель-логе піейвед и ніельлоге ійед нялгешкудій маηемуссе.
3. И пудій кихчлей сонне, и цількій: буди тон Иммель альк, ціелк што лехчин так кіедге ліейпен.
4. Сон же цилькій сонне вуэста: ли кирьханч: ій линче эвтын лійбпн іеллед олмунч, а юкке санійн, ку війт Иммель няльмест.
5. Маηηа тест валт сонэ цуэрхт пась-ланна и ціеηкахт сонэ ціерьков ладв элэ,
6. И сарн сонне: буди тон линчих Иммель альк, суэхпьед вуэлас; тэн гуэйк што ли кирьханч: сон пахк иджес іеηклійт тонэ варас; и сій куньтешкуэттеб тонэ кидійдис альн; ык тон кускче кядка юльгійнант.
