23. И пудій тогэ и іелхэдій ланнест, нэммед мильт Назаретест, што шэнтахч пайель пророкый сарнмушшед мильт, што сон лянч кохчьед Назаретлинчен.
Коалмант алкхэш.
Тэй пійвій поат Эвван Рыстей, и сарн Иммель сагыйт Іудее міецест,
2. И цялхк: кайдэттед; тэв-гуэйк што альтла ли поаттанч альм царэ-валт.
3. Тэн гуэйк што сон ли тэт, кон баяс пророк Исаія цилькій: кукхэллэй ин міецест: валмшеккед вара Шурре, туйшеккед чухкыйт сунне вуйкист.
4. Ич-ше Эвван оній аскійт верблюд сэхсмест и нахьк-поаккань пыр чоалэвшес; а піеркен сонст лейин суйн-нючкей и міехц-мит.
5. Танна Іерусалим и пук Іудей и пук іемне-коньт пыр Іордан видденин сунне,
6. И сій рыстнэттен сонст Іордэнест и кайдэттен рикійнис.
7. Ну куэсь Эвван уйній іеннег фарисейед и садукейед иджес горра пуэттем рыстнэттем варас, цилькій сійе: кувд шэнтус тій! кіе тійе пакай виччед пуэттей сіентмужест паго.
8. Те туешеккед кайдэтмуж анехей шантайт;
9. И іеллед юрьтед сарнед ичсант: ачь минест ли Абрам; тэн мильт што мун сарвам тійе, што Иммель оай тайн кидгійн паяс пайнестед парнайт Абрама.
10. Уже и акш ор мурій манткіин: юкке мур, ку ій путь шиг шантайт, чухпьеб и суэхпьеб толле.
11. Мун рыстам тиныйт чадзест кайдэтмушше; ну ли мунэ мильт пуэттей самьямп муннэд; мун ым анехт куньтед сонэ камгійт; сон рыстлешкоат тинійт Пасьвуйηсійн и толыйн.
