Аф эрявихть золотт,
Жемчукт и сият,
Аньцек шачест-касост
Елманят, иднят.
Мирттнень и рьвятнень
Радостьсна — иднясь,
Кенярькшни синь мархтост
Весяла семьясь.
Каннек кафтасть, колмасть
Павазчи рьвя,
Лезттама синь ванемс,
Ефси тят ризна.
Ару ведьса штасаськ,
Гулянякс тисаськ,
Полас-полас кядьсонк
Моразь кштифнесаськ.
Ванат: тонь иднятне
Тиихть тумонят,
Аськолдайхть валомне
Акша пильгонят.
Тон синдеест корхтат
Мзелды трват.
Шнамост синь аф маштат, —
Налхкшкятне шумбрат.
Етксонок минь Сталин
Ваны иттнень лангс,
Кенярькшни и арьси:
„Цебярь лефкскат кандсь“.
Прянясна синь нолдайхть
Парьхциень кудрят.
