Page:Колхозонь эряф 1940-03 86стр.jpg

---

---

84	Генрих Гейнень стихотворениянза

---

---

 

КОЛАФ   СЕДИ

 

Цёрать шамац няемс олаф —
Прясонза сонь стака мяльхть,
Седиец сонь каньксса колаф;
Арси ламонди ужялькс.
Эше кожфкясь конянц цёрать
Палси. Тернесы сонь вирсь;
Олаф шаманяти ёрай
Каземс седиенц од стирсь.
Ошса стака тарксемс ваймоц,
Йорась вирьса эряф мумс,
Коса нармонь морось гайняй,
Жойнязь уи лопань шумсь.
Но вирть эзда морхне шамсть ни,
Лопась сельмеведьса кольгсь;
Нолдаф нярнят олаф шамась
Галош шуфттнень алга мольсь.

 

* * *

Золод пильгоняса шашнихть
Савор менельть эса тяштть,
Штоба модась танцти онца
Удоль лацкас, штадонь мяштть.
Виресь кулхцондсь венять эса,
Пиже лопань пиленц стяфтсь;
Богатырень кядекс панттне
Модать ланга сильфснон прафтсть.
Морайхть!.. Вайгяльнязе моньге
Сувси кулеви морть ёткс...
Монь стирнязень ли тя вайгяльсь,
Али тяфта морайхть чофкст?

 

* * *

Сельмеведьстон монь шачихть пяк лама
Сёрмав панчфкат и од стирень соркт,
И монь ольксема вайгяльне арайхть
Чофксонь моронякс, пялевень хоркс.

Идняй, кда кельгсамак лацкас,
Эста панчфкянень казьсайне тейть,
И минь кельгома вальмяньконь ала
Зарять морасы од соловейсь.

 

Йотафтозень Андрей Чекашкин.

 

---

 

7*