Тейнек корхнемс сави лама,
Штоба аф шарьхкотьф шамат
Лисемс пленумса вал мархта
Да и... вятнемс члеттнень шалхкта.
|
| КАВОР
|
|
|
| ТОМ
|
Ласьконтть, Кавор, ёрдак сизефть,
Серьгятьк Келюнь, Седойть, Пропкать,
Кона кельксы васень стопкать,
Кона симсы, кантть хоть торхтат.
|
| КАВОР
|
| (Лисема ёткть)
|
Том Петрович, ширезт, што ли?
|
| ТОМ
|
Тяза, тяза. Лацкас пякстак ортать.
|
| (Кавор лиси)
|
8-це лисемась
|
(Том и Матя кафонест.
Матя аноклась мадома)
|
| ТОМ
|
Ха, ха, ха, ха! Ков тя моли?
Кда Каворсь шрать ваксса эзьке
Йорась улемс ширеса, аф тюремс...
Мзярда сялговсь копоц перань эськса,
Эста сонга: «Сяськомс, али куломс».
Аньцек ськамон мон инь виюсь,
Ськамон шарфтан сембе велеть,
Тяни мяльне монь ки мусть,
И аш мезда теень пелемс.
Кемоста монь кядьсон ащихть
Велень тефне, велеть мялец;
Кинди стака, катк пышаксни.
Сонь аф синди пакарь кялец.
Аньцек Ванясь шорси теень,
Толоц эряви сонь матомс.
Кочкамс лездыкс тяни киень?
Кинди ёнюняста шаштомс?
|
| (Арьси)
|
Матомс толонц? Тевсь аф ёмла,
Петляс мархтонза тонць поват.
|
