Тьфу, шинь-шишка работань вельсоветса,
Пялес вача пингоне монь ётнихть.
Мзяра ярмакт норгонь велеть кядьста,
Сякокс сюцихть: мезгя аф работай!
Сяконь лангс газетав ланган тяшнихть,
«Подкулачник» — ноляйхть кулят колган.
Кати мезень карьхцяф ярмакт лятфнихть.
Коза карьхцянь? Кинди лишнай нолдань?
Содан, сембонь сёрмадозень Ванясь,
Кона велеть каршезон смутясы!..
Катк сон тячи повозон сал каясь,
Ванцаськ, ванды кие-кинь утясы.
Мон пурдасан ламонь никсси шалхконц,
Пильге алон пови аньцек тяни.
Саты лангсон кода мялец налхкондсь
Сембонь колга... Вов появась генийсь.
«Активистан», — фалендакшни тячимс,
Видекс валонц лувондсы эрь пуромкссь.
Сембе сякокс яцетядязь эшис,
Листя тоста, штоба мархтон тюремс.
Ерат таргамс эсон ульмоняти.
Эльбядеть! Мон вдь сире калан,
Панчсан кицень тяйняня кудняти,
Тоса тяшнек, кода ярмакт салан.
Гм... савихть тердемс.