| 24 |
сяда меле монь сингорямайть сянь мархта, што ашень моль каприйскай школав, и корхтань, што махисттнень-отзовисттнень аерфтомаснонды, кда лиякс шаровихть тефне, Тейть саволь путомс сяда кржа нервада, сяда кржа вийда. Мяляфтыне нят корхнематнень и арьсень тяни сёрмадомс тейть повестть свежай впечатленияда меле и аф кадондомс тянь лия пингонди и аф учсемс кодамовок проверямат.
Мон арьсян, што политическяй и экономическяй эчке журнал Амфитеатровть исключительнай участиянц пингста — тевсь нинге сяда кальдяв махисттнень-отзовисттнень особай фракцияснон коряска. Ся фракцияса кальдявонди ульсь и тянинге лядонды ся, што идейнай течениясь явондсь и явонды марксизмать эзда, социал—демократиять эзда, но аф пачькотькшни марксизмать эзда аердомати, а аньцек шоряй. Амфитеатровскяй журналсь (лац тись сонь „Краснай Знамяц“, што эсь пингстонза кулось!) ащи политическяй выступлениякс, политическяй предприятиякс, конань эса нльне арьсемавок сянь колга аш, политикать инкса общай „левизнась“ нинге аф саты, што 1905-це кизода меле корхтамс политикать колга, кда аф азсайть эсь отношениятнень марксизмати и социал-демократияти, нельзя, аш кода, немыслима.
Лисенди сквернайста. Монь настроениязе грустнай.
Тонь Ленин.
| Февральста—мартста 1912-це к. Париж ош. |
| Кельгома А. М.! |
Курок кучсаськ Тейть конференциять решениянзон. Наконец, удалась — хоть и тянь каршес мольсь ликвидаторскяй сволочсь — живолгофтомс партиять и сонь ЦК-нц. Надиян, Тон кенярдят тянди минь мархтонк марса.
Аф сёрмадат ли майскяй листок? Али майскяй стама жа духса листовканя? Нюрьхкяняня, „мялень кеподи“, а? Юкстак сирешицень — мяляфтсак 1905-це кизоть — и тяштть кафтошка вал, кда эвондай сёрмадомс охотаце. Россияса улихть кафта-колма салавань типографият, и ЦК-сь, улема, сонь нолдасы лама тёжянень экземплярса. Цебярь ба, кда улель революционнай прокламация „Звездать“ ёфксонзон лаца. Пяк и пяк радан, што Тон лезнят „Звездати“. Тейнек чертовски стака сонь мархтонза и внутренняй, и внешняй, и финансовай сталмотне пяк оцюфт — а сембе сяка тевть вятьсаськ.
Люпштаса кядьцень Ленин.
