| 23 |
сембе минь кирдтяма ответ россияттнень инголе, конат аф довольнайхть сонь мархтонза.
А. А. (Богданов) катк заботендай, цебярьняста заботендай ярмаконь колга!! Россияса пяк кальдяфт тефне ярмакфтомашить эзда.
| Ноябрть 22-це шистонза (19) 10-це кизоня. (Париж ош). |
Кельгома А. М.! „Рабочай газетать“ кучемста несколька шида инголе мон сёрмадонь Тейть и кизефнине, мезе лиссь журналть мархта, конань колга минь корхнеме кизонда и конанц колга Тон надияфнеть сёрмадомс тейнь.
Тячи „Речьста“ морафтонь объявления „Современникть“ колга, конац лисенди „Амфитеатровть маластонь и исключительнай (тяфта и сёрматф! аф грамотнайста, но сяда претенциозна и многозначительна) участиянц вельде“ и Тонь постояннай сотрудничествацень вельде.
Мезе тя? Кода тя? „Эрь ковонь оцю журнал“, „политикань“, наукань, историянь, общественнай эряфонь отдел мархта“, — вдь тя ёфси, ёфси аф стама, кодапт сборникне, конат старандайхть пуроптомс художественнай литературань инь цебярь вийхнень. Вдь тяфтама журналть али улеза ёфси определеннай, серьезнай, выдерженнай направленияц, али сон кармай эсь прянц сраминдама и эсь участниконзон сраминдама. Ули „Вестник Европы“ журналть направленияц — кальдяв, лафча, бездарнай, но направления, конац служай определеннай элементти, буржуазиять известнай слойнзонды, станяжа пуропнесыне профессорскяй, чиновничай и, кода мярьгихть, интеллигенциянь определеннай крукнень „приличнай“ (ули мяльсна арамс приличнайкс, тя сяда виде) либералхнень эзда. Ули „Русскяй мыслять“ направлениянц — поганай, но направления, конац служай пяк цебярь служба контрреволюционнай либеральнай буржуазияти. Ули направленияц „Русскай богатствать“ — народническяй, народнически-кадетскяй, но направления, конац лама кемонь кизот кирдьсы эсь линиянц, обслуживандай населениянь известнай слойхнень эса. Ули направленияц „Современнай Мирть“ — зачастую меньшевистски-кадетскяй (тяни партийнай меньшевизмать шири уклон мархта), но направления. Направленияфтома журналсь — тевсь кальдяв, несуразнай, скандальнай и вреднай. А кодама жа направления может улемс Амфитеатровть „исключительнай участиянц“ пингста? Вдь аф Г. Лопатинць способнай максомс направления, а кда видет кулятне (конат, корхтайхть, повсть и газетатнендиге) Кочмаровскяйнь участиянц колга, то тя — „направления“, но направлениясь тупоумнайхнень эзда эсэровскяй.
Мзярда минь корхнеме Тонь мархтот кизонда, и мон азондыне Тейть, што сёрматкшнень ни „Исповедть“ колга кяжи сёрма, но ашине куче сонь махисттнень мархта эста ушетф расколть сюнеда, то Тон отвечать: „напрасна ашить куче“. А
