| 22 |
инжендама кизонда али тунда, мзярда тевсь кармай ни молема! Мзярда Тинь тоса сембода цебярь Каприса?
Кода шумбрашись? Кодама эрьгяце? Лац ли моли работаце? Йотамбачк кулине Берлинца, што Тинь Луначарскяйнь мархта уледе Италияса и сембодонга пяк Римса. Тусь ли мялезт Италиясь? Лама ли няенттяда рузда?
Тейзонт молемс, тейнь арам, сяда цебярь эста, мзярда аф ули Тонь оцю работаце, штоба улель кода марса бралгомс и калякондамс.
Получайть ли монь книгазень (12 кизонкса кочкаф статьянень васеньце томснон)? Питерса мон мярьгонь сонь Тейть кучемонза.
Оцюдонга оцю привет Мария Федоровнанди. Васедеманьконь самс!
Тонь Н. Ленин.
| Апрельть 19-це шистонза (19) 08-це кизоня. Женева ош. |
| Кельгома А. М! |
Получайне Тонь и М. Ф. телеграммантень и тячи али ванды шовдава кучса эсь атказамазень. Нинге весть азондса, што ёфси аф эрявихть шорьсемс философиять колга литераторхнень спорямаснон партийнай (лиякс мярьгомс, фракционнай) тевть мархта. Мон тянь колга сёрмадонь ни Ан. Вас. (Луначарскяйнди) и монь атказамазень колга аф виде мяльхнень аф нолдамаснон али аф правильнай вывоттнень аф тиемаснон инкса мон тага сонь азондса сембе ялганенди. Тейнек фракционнай работаньке эряви вятемс ингольцекс дружнайста: ся политикать эзда, конанц минь вятеськ и ётафтоськ революциять пингста, кивок эздонок ашезь атказакшне. Значит, минь долгоньке ащемс сонь инксонза и араламс сонь партиять инголе. Тя тейнек ули кода тиемс сембонди марса и тя эряви тиемс „Пролетарийса“ и сембе партийнай работаса.
Кда сяка жа пингоне А-сь сялды Б-ть али Б-сь сялдсы А-ть философиянкса, то тя тейнек эряви тиемс башка, сялондомс тевти кальдявонь апак тик.
Пяк эняльдян Тейть и ялганенди, штоба афоледе арьсе мезевок кальдяв самать эзда атказамазень колга. Мон пяк вешан извинения, но ся пингста, кодане ащихть тефне и редакциять состоянияц, аф саван.
Кемоста люпштасайне сембонь кядентень.
Тонь Ленин.
Ан. Вас. эзда куроконе учсаськ римскяй стачкать колга надияфтф статьять.
Сембе литераторхнень эзда учтама „Пролетарийти“ лезкс:
