Page:Колхозонь эряф 1939-03 51стр.jpg

Завещания

Тарас Шевченко.

Калмамасть куломдон меле
Мазы степь кучканяс,
Кельгом Украинать степьста
Сери панда пряняс.
Штоба няйволь кели паксясь,
Панттне кода удыхть.
Няйволь кода вию Днепрась
Алгаст рангозь шуди!
Кода вракнень верснон моряв
Уйфтьсы вишконяста, —
Эста кадса паксять, панттнень
И лийкстан мон тяста,
Шачем вастстон, вяри, шкайти
Озондома карман.
А тя пингти шкай аф содан,
И сон аш тейнь арам!
Калмамасть и кеподеда,
Цинзерхнень тинь керсесть,
Воляшитнень эста валость
Врагонь кяжи верса!
Моньге тямасть юксне братскяй,
Од семьяса, валдса,
Лятфнесть лемозень монь тоса
Цебярь, сятяв валса.

Украинскяй кяльста йотафтозе
А. Чекашкин.

 

---