Цифтор палыхть
Менельть эса тяшттне,
Цятор, моцр —
Пильге алон ловсь.
Седись шави,
Вери кепси мяштьце,
Пеедезь ваны
Лангозон монь ковсь.
Вальмять ала
Келунязе комась,
Акша пухонь
Лешкясь сонь утясь.
Сетьме кожфкясь
Келунязти токась —
Сон валомне
Меки вяри стясь.
Кельктя, тяла,
Оцю ловонь марце,
Кельктя тоньге,
Дедушка мороз.
Лама ловце,
Лама ули парце,
Сай тундать тон,
Касфтсак марстонь розть.